ബെംഗളൂരു: ബെംഗളൂരുവിലെ സാംസ്കാരിക സംഘടനയായ കല വെൽഫെയർ അസോസിയേഷന്റെ വൈറ്റ്ഫീല്ഡ് സോൺ രൂപവത്കരിച്ചു. രൂപവത്കരണ സമ്മേളനം .കല വെൽഫെയർ അസോസിയേഷൻ ജനറൽ സെക്രട്ടറി ഫിലിപ്പ് കെ. ജോർജ് ഉദ്ഘാടനം ചെയ്തു. പ്രസിഡന്റ് ബിനു പാപ്പച്ചൻ അധ്യക്ഷത വഹിച്ചു. മഹേഷ് ചെല്ലപ്പൻ സ്വാഗതവും വിന്നി കെ. രവീന്ദ്രൻ നന്ദിയും പറഞ്ഞു. മനോജ്, വിനീത്, തോമസ്, രഞ്ജിത് എന്നിവർ സംസാരിച്ചു. സംഘടനയുടെ ഭാരവാഹികളും അംഗങ്ങളും പ്രവർത്തകരും പങ്കെടുത്തു
മഹേഷ് ചെല്ലപ്പനെ വൈറ്റ്ഫീൽഡ് സോണിന്റെ പ്രസിഡന്റായും വിന്നി കെ. രവീന്ദ്രനെ സെക്രട്ടറിയായും തിരഞ്ഞെടുത്തു. കൂടാതെ 13 അംഗ കമ്മിറ്റിക്കും രൂപം നൽകി. സാമൂഹിക സേവന പ്രവർത്തനങ്ങൾ, സാംസ്കാരിക പരിപാടികൾ, ജീവകാരുണ്യ പദ്ധതികൾ, കുടുംബ സംഗമങ്ങൾ, യുവജന-വനിതാ ശാക്തീകരണ പ്രവർത്തനങ്ങൾ എന്നിവ കൂടുതൽ വിപുലമായി സംഘടിപ്പിക്കുമെന്ന് ഭാരവാഹികൾ അറിയിച്ചു.
SUMMARY: Kala Welfare Association Whitefield Zone formed
