ബെംഗളൂരു: ബാംഗ്ലൂര്‍ മലയാളികള്‍ക്ക് കന്നഡ പഠിക്കാന്‍ ബാംഗ്ലൂര്‍ കേരള സമാജം അവസരം ഒരുക്കുന്ന കന്നഡ പഠന ക്ലാസ് ‘കന്നഡ കലിയോണ’ എന്ന പദ്ധതിയുടെ ആദ്യ ഘട്ടം ഉദ്ഘാടനം ഇന്ദിരാ നഗറിലുള്ള കെ എന്‍ ഇ ട്രസ്റ്റ് ക്യാമ്പസില്‍ നടന്ന ചടങ്ങില്‍ കന്നഡ വികസന അതോറിറ്റി ചെയര്‍മാന്‍ ഡോ പുരുഷോത്തമ ബിളിമലെ നിര്‍വഹിച്ചു. കേരള സമാജം പ്രസിഡന്റ് എം ഹനീഫ് അധ്യക്ഷത വഹിച്ചു.
സെക്രട്ടറി ഡോ ഡോ സന്തോഷ് ഹങ്കാല്‍ മുഖ്യാതിഥിയായി.
കേരള സമാജം ജനറല്‍ സെക്രട്ടറി റജികുമാര്‍, ട്രഷറര്‍ ജോര്‍ജ് തോമസ്, ജോയിന്റ് സെക്രട്ടറി അനില്‍ കുമാര്‍ ഓ കെ, കള്‍ച്ചറല്‍ സെക്രട്ടറി മുരളിധരന്‍, അസിസ്റ്റന്റ് സെക്രട്ടറി വിനു ജി, കെ എന്‍ ഇ ട്രസ്റ്റ് സെക്രട്ടറി പി വി എന്‍ ബാലകൃഷ്ണന്‍, ട്രഷറര്‍ സയ്യിദ് മസ്താന്‍, വനിതാ വിഭാഗം കണ്‍വീനര്‍ രമ്യ ഹരികുമാര്‍, കന്നഡ അധ്യാപിക വിനുത, ഡോ സുഷമ ശങ്കര്‍, മലയാളം മിഷന്‍ കര്‍ണാടക ചാപ്റ്റര്‍ കണ്‍വീനര്‍ ടോമി ആലുങ്കല്‍ തുടങ്ങിയവര്‍ പങ്കെടുത്തു. കര്‍ണാടക സര്‍ക്കാരിന്റെ കീഴിലുള്ള കന്നഡ വികസന അതോറിറ്റിയുടെ സഹകരണത്തോടെയാണ് ‘കന്നഡ കലിയോണ’ എന്ന പദ്ധതി നടപ്പാക്കുന്നത്.
മൂന്ന് മാസം നീണ്ടു നില്‍ക്കുന്ന പഠനം പൂര്‍ത്തിയാക്കുന്നവര്‍ക്ക് സര്‍ക്കാര്‍ സര്‍ട്ടിഫിക്കറ്റ്കള്‍ നല്‍കും. മലയാളികളെ കന്നഡ എഴുതാനും വായിക്കാനും സംസാരിക്കാനും പ്രാപ്തരാക്കുക എന്നതാണ് പദ്ധതിയുടെ ലക്ഷ്യം.
കേരള സമാജത്തിന്റെ നേതൃത്വത്തില്‍ വിവിധ സോണുകളില്‍ പദ്ധതി നടപ്പാക്കാനാണ് ഉദ്ദേശിക്കുന്നത് . നിലവില്‍ ഇന്ദിരാ നഗര്‍ കൈരളീ നികേതന്‍ ക്യാമ്പസില്‍ തിങ്കള്‍, വെള്ളി ദിവസങ്ങളില്‍ വൈകിട്ട് 6:30 ന് ആണ് ക്ളാസുകള്‍ നടക്കുക. ഇന്ദിരനഗര്‍ കെ എന്‍ ഇ ക്യാമ്പസില്‍ തിങ്കളാഴ്ച, ആഗസ്ത് 17 ന് വൈകിട്ട് 6:30 ന് ആരംഭിക്കും.
എല്ലാ സോണുകളിലും പരിപാടി വ്യാപിപ്പിക്കാനാണ് പദ്ധതി തയാറാക്കിയിരിക്കുന്നതെന്ന് ജനറല്‍സെക്രട്ടറി റജികുമാര്‍ അറിയിച്ചു.
ക്ലാസില്‍ ചേരാന്‍ ആഗ്രഹിക്കുന്നവര്‍ ബന്ധപ്പെടുക.
90363 39194, 98800 66695
SUMMARY: Kerala Samajam’s ‘Kannada Kaliona’ got off to a brilliant start
