ഇടുക്കി: ഒക്റ്റോബർ 16-ന് ഇടുക്കി ജില്ലയില്‍ ഹർത്താല്‍. സിപിഎമ്മാണ് ഹർത്താല്‍ പ്രഖ്യാപിച്ചിരിക്കുന്നത്. ഇടുക്കി ജില്ലയിലെ ഭൂപ്രശ്നങ്ങള്‍‌ക്ക് പരിഹാരം ആവശ്യപ്പെട്ടാണ് ഹർത്താല്‍. 15ന് ലോക്കല്‍ കേന്ദ്രങ്ങളില്‍ പന്തം കൊളുത്തി സിപിഎം പ്രകടനം നടത്തും.
ഇഎസ്‌എയില്‍ കേന്ദ്രത്തിന് നല്‍കിയ നിർദേശങ്ങളുടെ കെഡസ്ട്രിയല്‍ മാപ്പ് പുറത്തിറക്കുക, കാർഡമം ഹില്‍ റിസർവ്പ്രദേശം വനഭൂമിയാക്കി മാറ്റുന്നതിനുള്ള ഗൂഢനീക്കങ്ങളില്‍ നിന്ന് അധികൃതർ പിന്മാറുക, ജനവാസ മേഖലകളെ ബാധിക്കുന്ന പുതിയ ആനത്താരകള്‍ സൃഷ്ടിക്കുന്നതിനുള്ള നീക്കം ഉപേക്ഷിക്കുക തുടങ്ങിയ സുപ്രധാന ആവശ്യങ്ങള്‍ ഉന്നയിച്ചാണ് ഹർത്താല്‍.
SUMMARY: CPM to observe hartal in Idukki on October 16
