ബെംഗളൂരു: ശ്രീ സരസ്വതി എജ്യുക്കേഷൻ ട്രസ്റ്റിന്റെയും തൊദൽനുടി കുട്ടികളുടെ മാസികയുടേയും ആഭിമുഖ്യത്തിൽ വൈറ്റ്ഫീൽഡിൽ ആരംഭിച്ച സൗജന്യ കന്നഡ പഠന ക്ലാസിന്റെ പുതിയ ബാച്ചിന് തുടക്കം. ഡോ. സുഷമ ശങ്കറിന്റെ അധ്യക്ഷതയിൽ നടന്ന ഉദ്ഘാടന സമ്മേളനം പ്രൊഫ. യെല്ലപ്പ ഉദ്ഘാടനം ചെയ്തു. പ്രവാസി മലയാളി അസോസിയേഷൻ കർണാടകയുടെ സെക്രട്ടറി പി. രാഗേഷ് മുഖ്യാതിഥിയായിരുന്നു. പ്രൊഫ. രാകേഷ് സ്വാഗതവും കോർഡിനേറ്റർ റെബിൻ രവീന്ദ്രൻ നന്ദിയും പറഞ്ഞു.
കഴിഞ്ഞ 18 വർഷമായി സൗജന്യ കന്നഡ പഠന ക്ലാസുകൾക്ക് നേതൃത്വം നൽകിവരുന്ന ഡോ. സുഷ്മ ശങ്കറിന്റെ നേതൃത്വത്തിലാണ് ഈ സംരംഭം മുന്നോട്ടുപോകുന്നത്. മലയാളം, തമിഴ്, തെലുങ്ക്, ബംഗാളി, ഒഡിയ, ഹിന്ദി തുടങ്ങിയ വിവിധ ഭാഷാപശ്ചാത്തലങ്ങളിൽ നിന്നുള്ള മുതിർന്നവരും കുട്ടികളുമടക്കം നൂറോളം പേർ ആദ്യദിന ക്ലാസിൽ പങ്കെടുത്തു. മുതിർന്നവർക്കും കുട്ടികൾക്കും അവരുടെ പ്രായത്തിനും പഠനരീതിക്കും അനുയോജ്യമായ രീതിയിൽ പ്രത്യേക ക്ലാസുകളാണ് ക്രമീകരിച്ചിരിക്കുന്നത്. കൂടുതല് വിവരങ്ങള്ക്ക്: 9901041889.
SUMMARY: Free Kannada learning classes begin in Whitefield
















