ബെംഗളൂരു : മതവിദ്വേഷം വളർത്തുന്ന പ്രസ്താവന നടത്തിയെന്ന പരാതിയിൽ യൂട്യൂബർ അജീത് ഭാരതിയുടെ പേരിൽ ബെംഗളൂരു ഹൈ ഗ്രൗണ്ട് പോലീസ് കേസെടുത്തു. കെ.പി.സി.സി. ലീഗൽ സെൽ സെക്രട്ടറി അഡ്വ. ബി.കെ. ബൊപ്പണ്ണ നൽകിയ പരാതിയിലാണ് കേസ്.
അയോധ്യയിലെ രാമക്ഷേത്രത്തിന് പകരം ബാബറി മസ്ജിദ് സ്ഥാപിക്കാൻ കോൺഗ്രസ് നേതാവ് രാഹുൽ ഗാന്ധി പദ്ധതിയിടുന്നതായി അജീത് എക്സിൽ പോസ്റ്റുചെയ്ത വീഡിയോയിൽ പറഞ്ഞെന്ന പരാതിയിലാണ് കേസ്. ജൂൺ 13-ന് എക്സിൽ പോസ്റ്റുചെയ്ത വീഡിയോയിലാണ് അജീത് വിവാദപരാമർശം നടത്തിയതെന്ന് ബൊപ്പണ്ണ പരാതിയിൽ പറഞ്ഞു. രാഹുൽ ഗാന്ധി തൻ്റെ ഒരു പ്രസംഗത്തിലും ഇത്തരം പ്രസ്താവനകൾ നടത്തിയിട്ടില്ല. ഇത്തരം പരാമർശങ്ങള്‍ പൊതു സമാധാനത്തിനും ഐക്യത്തിനും ഹാനികരമാകുമെന്ന് ബൊപ്പണ്ണ പരാതിയിൽ ആരോപിച്ചു,
<br>
TAGS : HATE SPEECH | AJEET BHARATI | KARNATAKA
SUMMARY : Hate speech: Case against Ajeet Bharti
