ബെംഗളൂരു: ചന്നപട്ടണ ബെംഗളൂരുവിൻ്റെ ഭാഗമാക്കാൻ സർക്കാർ ആലോചിക്കുന്നതായി ഉപമുഖ്യമന്ത്രി ഡി.കെ. ശിവകുമാർ. നിലവിൽ രാമനഗരയ്ക്ക് കീഴിലാണ് ചന്നപട്ടണ ഉൾപ്പെടുന്നത്. എന്നാൽ ആദ്യകാലം മുതൽ ബെംഗളൂരു നഗരവുമായി അടുത്ത ബന്ധം ചന്നപട്ടണയ്ക്കുണ്ട്. ഈ സാഹചര്യത്തിലാണ് ചന്നപട്ടണയെ ബെംഗളൂരുവിന്റെ ഭാഗമാക്കാൻ തീരുമാനിച്ചതെന്ന് ശിവകുമാർ പറഞ്ഞു. ഹോസ്‌കോട്ട്, ദേവനഹള്ളി, മാഗഡി, കനകപുര എന്നിവയെല്ലാം ബെംഗളൂരുവിലാണ്.
2023 ഒക്ടോബറിൽ രാമനഗരയെ ബെംഗളൂരുവിന്റെ ഭാഗമാക്കുമെന്ന് ശിവകുമാർ അറിയിച്ചിരുന്നു. ജില്ലയെ ബെംഗളൂരു സൗത്ത് എന്ന് പുനർനാമകരണം ചെയ്യുമെന്നും അദ്ദേഹം പറഞ്ഞിരുന്നു. എന്നാൽ നിർദേശത്തെ എതിർത്ത് നിരവധി പേരാണ് രംഗത്ത് വന്നിരുന്നത്. വരാനിരിക്കുന്ന ഉപതിരഞ്ഞെടുപ്പിൽ ചന്നപട്ടണയിൽ നിന്ന് കോൺഗ്രസ് എംഎൽഎയെ തിരഞ്ഞെടുത്ത് പാർട്ടിയെ ശക്തിപ്പെടുത്തണമെന്നും എങ്കിൽ മാത്രമേ ചന്നപട്ടണയെ ബെംഗളൂരുവിന്റെ ഭാഗമാക്കാൻ സാധിക്കുള്ളുവെന്നും ശിവകുമാർ കൂട്ടിച്ചേർത്തു.
TAGS: BENGALURU | DK SHIVAKUMAR
SUMMARY: Channapattana will be part of bengaluru soon says shivakumar
