ബെംഗളൂരു: മൈസൂരുവിൽ ബൈക്കപകടത്തിൽ മലയാളി യുവാവ് മരിച്ചു. കോഴിക്കോട് ചെറുവണ്ണൂർ കൊളത്തറ തങ്ങളകം സൈദ് ത്വാഹിറിൻ്റെയും സാജിദയുടേയും മകൻ സൈദ് ഹനിം (21) ആണ് മരിച്ചത്. ഛത്തീസ്ഗഡ് എൻഐടി വിദ്യാർഥിയായിരുന്നു.
സഹോദരൻ സൈദ് റൂഫൈക്കിനൊപ്പം ബൈക്കിൽ കോഴിക്കോട് നിന്നും ഊട്ടിയിലേക്കുള്ള യാത്രക്കിടെ ഗുണ്ടൽപേട്ടയിൽ വച്ച് കഴിഞ്ഞ 9 ന് രാവിലെ പതിനൊന്നരമണിക്കാണ് അപകടമുണ്ടായത്. ഗുരുതരമായി പരുക്കേറ്റ ഹനിം മൈസൂരുവിൽ ചികിത്സയിലായിരുന്നു. ഇന്നലെ പുലർച്ചെയായിരുന്നു മരണം. സഹോദരൻ റൂഫൈക്ക് നിസാര പരുക്കുകളോടെ രക്ഷപ്പെട്ടു.
മൃതദേഹം പോസ്റ്റുമോർട്ടം നടപടിക്രമങ്ങൾക്ക് ശേഷം ചെറുവണ്ണൂർ ജുമാ മസ്ജിദിൽ വ്യാഴാഴ്ച രാവിലെ ഖബറടക്കി.
<br>
TAGS : ACCIDENT
SUMMARY : A Malayali youth died in a bike accident in Mysuru
