മലപ്പുറം: കാട്ടാന ആക്രമണത്തില് ആദിവാസി യുവാവിന് ദാരുണാന്ത്യം. മലപ്പുറം കരുളായിലുണ്ടായ സംഭവത്തില് മാഞ്ചീരി പൂച്ചപ്പാറ കോളനിയിലെ മണി (35) ആണ് മരിച്ചത്. വനപ്രദേശമായ മാഞ്ചീരി വട്ടികല്ല് വെച്ചാണ് ആക്രമണം ഉണ്ടായത്. മണിയുടെ കൂടെയുണ്ടായിരുന്നവര് ഓടിരക്ഷപ്പെട്ടു.
ഗുരുതരമായി പരുക്കേറ്റ മണിയെ ആശുപത്രിയില് പ്രവേശിപ്പിച്ചെങ്കിലും ഇന്ന് പുലര്ച്ചയോടെ മരിച്ചു. മൃതദേഹം നിലമ്പൂര് ഗവണ്മെന്റ് ഹോസ്പിറ്റല് മോര്ച്ചറിയില് സൂക്ഷിച്ചിരിക്കുകയാണ്. ഉള്വനത്തിലൂടെ സഞ്ചരിച്ചാല് മാത്രമാണ് കോളനിയില് എത്താനാകുക. ആക്രമണം ഉണ്ടായത് അറിഞ്ഞ് വനംവകുപ്പ് ജീവനക്കാര് ഉള്വനത്തിലെത്തിയാണ് പരുക്കേറ്റ യുവാവിനെ ആശുപത്രിയിലെത്തിച്ചത്.
TAGS : ELEPHANT ATTACK
SUMMARY : Wild elephant attacks again; A tribal youth was killed
WhatsApp
Telegram
