ബെംഗളൂരു: വരൻ മദ്യപിച്ച് മണ്ഡപത്തിലെത്തിയതോടെ വിവാഹ ചടങ്ങുകളിൽ നിന്ന് പിന്മാറി വധുവിന്റെ അമ്മ. ബെംഗളൂരുവിലാണ് സംഭവം. മദ്യപിച്ച് സുഹൃത്തുക്കൾക്കൊപ്പം ബഹളം വെക്കുകയും കല്യാണ ചടങ്ങുകൾക്കിടെ വരൻ മോശമായി പെരുമാറിയതിനെയും തുടർന്നാണ് കല്യാണം നിർത്തി വെച്ചത്.
വരന്റെ പെരുമാറ്റം ഇപ്പോഴേ ഇങ്ങനെയാണെങ്കിൽ മകളുടെ ഭാവി എന്താകും എന്ന് ആശങ്കയുണ്ടെന്ന് അറിയിച്ചതിനു ശേഷമായിരുന്നു അമ്മ വിവാഹം വേണ്ടെന്ന് വെച്ചത്. മദ്യപിച്ചെത്തിയ വരൻ ആരതിയിൽ ഉണ്ടായിരുന്ന താലി വലിച്ചെറിഞ്ഞിരുന്നു. സംഭവത്തിൽ അമ്മയുടെ തീരുമാനത്തിന് അനുകൂലമായി നിരവധി പേർ രംഗത്ത് വന്നു. 2019 ൽ, ഉത്തർപ്രദേശിലും സമാന സംഭവം നടന്നിരുന്നു. വരൻ വേദിയിൽ വൈകിയെത്തിയതിനെ തുടർന്ന് വധു തന്റെ വിവാഹം റദ്ദാക്കിയത് വലിയ ചർച്ചയായിരുന്നു.
TAGS: BENGALURU | WEDDING CANCELLED
SUMMARY: Bride’s mother calls off wedding after drunk groom creates a ruckus in Bengaluru
