ബെംഗളൂരു: ബൈക്കും കാറും കൂട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു. മൈസൂരു ടി നർസിപുര താലൂക്കിലെ ബന്നൂരിനടുത്താണ് അപകടമുണ്ടായത്. പാർവതി (48), മകൻ ശങ്കർ (21) എന്നിവരാണ് മരിച്ചത്. കാവേരി നദിക്ക് കുറുകെയുള്ള പാലത്തിൽ വെച്ചാണ് വാഹനങ്ങൾ കൂട്ടിയിടിച്ചത്.
മൈസൂരുവിലെ ബിഎം ശ്രീ നഗറിൽ താമസിക്കുന്ന ഇരുവരും ക്ഷേത്രദർശനം കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടം നടന്നത്. ഇടിയുടെ ആഘാതത്തിൽ പാർവതി പാലത്തിൽ നിന്ന് നദിയിലേക്ക് വീഴുകയായിരുന്നു. ശങ്കർ സംഭവസ്ഥലത്ത് വെച്ച് തന്നെ മരിച്ചു. പിന്നീട് പോലീസും ഫയർ ഫോഴ്‌സും എത്തിയാണ് പാർവതിയുടെ മൃതദേഹം നദിയിൽ നിന്ന് പുറത്തെടുത്തത്. സംഭവത്തിൽ ബന്നൂർ പോലീസ് കേസ് രജിസ്റ്റർ ചെയ്തു.
TAGS: KARNATAKA | ACCIDENT
SUMMARY: Woman, son die after two-wheeler crashes into car on Bannur bridge
