ബെംഗളൂരു: ബൈക്കുകൾ കൂട്ടിയിടിച്ചുണ്ടായ അപകടത്തിൽ ഒരു മരണം. മത്തിക്കെരെയിലെ എം.എസ്. രാമയ്യ ആശുപത്രിക്ക് സമീപമാണ് അപകടമുണ്ടായത്. തമിഴ്നാട് സ്വദേശി ഡേവിഡ് (32) ആണ് മരിച്ചത്. അപകടത്തിൽ മറ്റൊരാൾക്ക് പരുക്കേറ്റു. മുത്യാലനഗറിലെ ലോൺഡ്രി യൂണിറ്റിൽ ജീവനക്കാരനായിരുന്നു ഡേവിഡ്.
ജോലി കഴിഞ്ഞ് പേയിംഗ് ഗസ്റ്റ് താമസ സ്ഥലത്തേക്ക് മടങ്ങവേയാണ് അപകടം. ഡേവിഡ് സഞ്ചരിച്ച ബൈക്ക് മറ്റൊരു ബൈക്കുമായി കൂട്ടിയിടിക്കുകയായിരുന്നു. ഗുരുതരമായി പരുക്കേറ്റ ഡേവിഡിനെ സമീപത്തെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അശ്രദ്ധമായി വാഹനമോടിച്ചതാണ് അപകടകാരണമെന്ന് പോലീസ് പറഞ്ഞു. സംഭവത്തിൽ യശ്വന്ത്പുര ട്രാഫിക് പോലീസ് കേസെടുത്തു.
TAGS: BENGALURU | ACCIDENT
SUMMARY: Biker killed in accident in Bengaluru
