ബെംഗളൂരു: ലഹരി വിരുദ്ധ ബോധവൽക്കരത്തിനായി കോളജ് വിദ്യാർഥികളെ പങ്കെടുപ്പിച്ച് പ്രചാരണ പരിപാടിയുമായി ബെംഗളൂരു പോലീസ്. നാളെ കണ്ഠീരവ സ്റ്റേഡിയത്തിൽ നടക്കുന്ന പരിപാടിയിൽ നഗരത്തിലെ വിവിധ കോളജുകളിലെ ആറായിരത്തിലധികം വിദ്യാർഥികൾ പങ്കെടുക്കും. ആഭ്യന്തരമന്ത്രി ജി. പരമേശ്വര ഉദ്ഘാടനം ചെയ്യും.
പരിപാടിയുടെ ഭാഗമായി പോലീസ് പിടിച്ചെടുത്ത ലഹരി വസ്തുക്കൾ ദൊബാസ്പേട്ടിൽ വച്ച് കത്തിക്കും. ഇതിന്റെ ദൃശ്യങ്ങൾ സ്റ്റേഡിയത്തിൽ തത്സമയം സംപ്രേഷണം ചെയ്യും. ലഹരി വ്യാപനം തടയുന്നതിനായി കോളജുകളിൽ നടപ്പിലാക്കുന്ന പരിപാടികളും പോലീസ് നടപടികളും പരിപാടിയിൽ വിശദീകരിക്കും. ലഹരി വ്യാപനം തടയാൻ സംസ്ഥാന പോലീസ് മേധാവിയുടെ നിർദേശപ്രകാരമാണ് പരിപാടി സംഘടിപ്പിക്കുന്നത്.
SUMMARY: 6,000 students to participate in Bengaluru Police’s massive anti-drug drive.
