തിരുവനന്തപുരം: പന്തളം കൊട്ടാരത്തിലെ ഇളയ തമ്പുരാട്ടിയും കൈപ്പുഴ പുത്തന് കോയിക്കല് കുടുംബാംഗവുമായ രോഹിണി നാള് അംബാലിക തമ്പുരാട്ടി അന്തരിച്ചു. 94 വയസ്സായിരുന്നു. സ്വാതന്ത്ര്യസമര സേനാനി തൃശൂർ കുറ്റിമുക്ക് എറണൂർ ഇല്ലത്ത് പരേതനായ നീല കണ്ഠൻ നമ്പൂതിരിയുടെ പത്നിയാണ്.
പന്തളം കൊട്ടാരം നിർവ്വാഹക സംഘം ട്രഷറർ ദീപാവർമ്മ മകളാണ്. വേണുഗോപാല് (മാവേലിക്കര കൊട്ടാരം) മരുമകനാണ്. പരേതരായ പന്തളം കൊട്ടാരം വലിയതമ്പുരാൻ പുണർതം നാള് കെ രവി വർമ്മ, പരേതയായ വലിയ തമ്പുരാട്ടി തിരുവാതിര നാള് ലക്ഷ്മി തമ്പുരാട്ടി, കെ. രാജരാജവർമ്മ (ഓമല്ലൂർ അമ്മാവൻ), കെ .രാമവർമ്മ (ജനയുഗം), എന്നിവർ സഹോദരങ്ങളാണ്.
ശവദാഹം ഉച്ചക്ക് ശേഷം മൂന്നിന് പന്തളം കൊട്ടാരം വക കൈപ്പുഴയിലുള്ള ശ്മശാനത്തില് നടക്കും. ആശൂലം മൂലം പന്തളം വലിയ കോയിക്കല് ക്ഷേത്രം അടച്ചു. ആഗസ്റ്റ് രണ്ടിന് വീണ്ടും തുറക്കും.
SUMMARY: The youngest princess of Pandalam Palace passes away
