ബെംഗളൂരു: തുമക്കൂരു റോഡിലെ നാഗസന്ദ്ര ടോൾ പ്ലാസയിൽ ടോൾ പിരിക്കുന്നതിനെതിരായ പൊതുതാൽപര്യ ഹർജിയിൽ കർണാടക ഹൈക്കോടതി ദേശീയ പാത അതോറിറ്റിക്കു (എൻഎച്ച്എഐ) നോട്ടിസ് അയച്ചു. ടോൾ പിരിക്കുന്നതിനുള്ള കാലാവധി 2021ൽ അവസാനിച്ചെന്നു ചൂണ്ടിക്കാട്ടി അഭിഭാഷകനായ എ.വി. അമർനാഥാണ് കോടതിയെ സമീപിച്ചത്.
2021നു ശേഷം കോടി കണക്കിനു രൂപയാണ് ടോൾ ഇനത്തിൽ എൻഎച്ച്എഐ പിരിച്ചെടുത്തത്. ഇതിന്റെ രേഖകൾ ഹാജരാക്കണമെന്നും ഹർജിയിൽ ആവശ്യപ്പെടുന്നു. ടോൾ പിരിവുമായി ബന്ധപ്പെട്ട രേഖകൾ ആവശ്യപ്പെട്ട് വിവരാവകാശ നിയമപ്രകാരം സമീപിച്ചിട്ടും എൻഎച്ച്എഐ പ്രതികരിക്കാൻ തയാറായില്ലെന്നും ഹർജിയിൽ പറയുന്നു.
SUMMARY: Karnataka HC issues notice to NHAI on plea against collection of toll at Nagasandra toll plaza on Tumakuru Road.
