കേരളസമാജം മാഗഡി റോഡ് സോൺ ഓണാഘോഷം ഞായറാഴ്ച

ബെംഗളൂരു: ബാംഗ്ലൂർ കേരളസമാജം സിറ്റി സോൺ ഓണാഘോഷം

ഓണോത്സവ് 2025,ഞായറാഴ്ച മാഗഡി റോഡ്, സീഗേഹള്ളി എസ് ജി ഹാളിൽ നടക്കും. ആഘോഷങ്ങൾ ബെംഗളൂരു ഡെവലപ്പ്മെന്റ് അതോറിറ്റി ചെയർമാൻ എൻ എ ഹാരിസ് എംഎൽഎ ഉദ്ഘാടനം ചെയ്യും. സോൺ ചെയർമാൻ അനിൽ കുമാർ ആർ അധ്യക്ഷത വഹിക്കും. സിനിമ താരം സരയൂ മോഹൻ മുഖ്യാതിഥിയാകും. എസ് ടി സോമശേഖർ എൽ എൽ എ, കവി മുരുഗൻ കാട്ടാക്കട കേരള സമാജം പ്രസിഡന്റ് എം ഹനീഫ്,  ജനറൽ സെക്രട്ടറി റജി കുമാർ, ട്രഷറർ ജോർജ് തോമസ്, കെഎൻഇ ട്രസ്റ്റ് പ്രസിഡന്റ് സി ഗോപിനാഥൻ തുടങ്ങിയവർ സംബന്ധിക്കും.

രാവിലെ 9 മണിക്ക് കലാപരിപാടികൾ ആരംഭിക്കും. ഓണസദ്യ, സിനിമ പിന്നണി ഗായിക  രഞ്ജിനി ജോസ്, സ്റ്റാർ സിങ്ങർ വിവേകാനന്ദൻ, ബൽറാം, പ്രദീപ്‌ പള്ളിപ്ര എന്നിവർ അവതരിപ്പിക്കുന്ന ഗാനമേള എന്നിവ നടക്കുമെന്ന് സോൺ കൺവീനർ ലിജു, ആഘോഷ കമ്മറ്റി ചെയർമാൻ സനൽ കുമാർ എന്നിവർ അറിയിച്ചു.
SUMMARY: Kerala Samajam Magadi Road Zone Onam Celebrations on Sunday