പത്തനംതിട്ട: ശബരിമല തീര്‍ത്ഥാടകര്‍ സഞ്ചരിച്ച ബസ് മറിഞ്ഞു. എരുമേലി കണമലക്ക് സമീപമാണ് അപകടം. കര്‍ണാടകയില്‍ നിന്ന് ശബരിമലയിലേക്ക് പോവുകയായിരുന്ന ബസാണ് മറിഞ്ഞത്. അപകടത്തില്‍ തീര്‍ത്ഥാടകര്‍ക്ക് പരുക്കേറ്റു. കർണാടകയിലെ ഭന്ദിയാ ജില്ലയില്‍ കെആർ പേട്ട താലൂക്കില്‍നിന്നുള്ള കിരണ്‍ (21), ഭരത് (22), നാഗേഷ് (45), ലിങ്ക രാജ് (42) എന്നിവരാണ് പരുക്കേറ്റവർ.
ഇവരെ മുണ്ടക്കയത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു. 33 തീര്‍ത്ഥാടകരാണ് ബസിലുണ്ടായിരുന്നത്. ആരുടെയും പരുക്ക് ഗുരുതരമല്ലെന്നാണ് വിവരം. ഇറക്കം ഇറങ്ങി വരുന്നതിനിടെ ബസിന്റെ ബ്രേക്ക് നഷ്ടപ്പെട്ടതാണ് അപകടകാരണം. നിയന്ത്രണം നഷ്ടപ്പെട്ട ബസ് മണ്‍തിട്ടയിലിടിച്ച ശേഷം റോഡിലേക്ക് മറിയുകയായിരുന്നു.
SUMMARY: Sabarimala pilgrims’ bus overturns; four Karnataka nationals injured
