ബെംഗളൂരു: ചിക്കബല്ലാപുരയിൽ ബൈക്കും ടിപ്പർ ലോറിയും കൂട്ടിയിടിച്ചു ഉണ്ടായ അപകടത്തിൽ നാല് യുവാക്കൾ മരിച്ചു. അജ്ജാവര സ്വദേശികളായ മനോജ്, നരസിംഹമൂർത്തി, അരുൺ, നന്ദിഷ് എന്നിവരാണ് മരിച്ചത്.
അജ്ജാവര ഗേറ്റിന് സമീപം വ്യാഴാഴ്ച രാത്രിയായിരുന്നു. അപകടം.മരിച്ച നാല് പേര്‍ക്കും 20-നോടടുത്താണ് പ്രായം. ചിക്കബല്ലപുരയിലെ ഒരു പള്ളിയിൽ പ്രാർത്ഥന കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടമുണ്ടായതെന്ന് പോലീസ് പറഞ്ഞു. സിഡ്‌ലഗട്ടയിൽ നിന്ന് ചിക്കബല്ലപുരയിലേക്ക് പോകുകയായിരുന്ന ടിപ്പർ എതിർദിശയിൽ നിന്ന് മോട്ടോർ സൈക്കിളിൽ ഇടിക്കുകയായിരുന്നു. കൊല്ലപ്പെട്ട
നന്ദീഷും നരസിംഹയും സഹോദരന്മാരായിരുന്നു,
സംഭവത്തിൽ മുഖ്യമന്ത്രി സിദ്ധാരാമയ്യ ദുഃഖം രേഖപ്പെടുത്തി മരിച്ചവരുടെ ബന്ധുക്കൾക്ക് അഞ്ച് ലക്ഷം രൂപ വീതം നഷ്ടപരിഹാരം നൽകുമെന്ന് മുഖ്യമന്ത്രി അറിയിച്ചു.
SUMMARY: Four youths died in an accident involving a bike and a tipper lorry in Chikkaballapura.
