ബെംഗളൂരു: യാത്ര നിരക്ക് വർധിപ്പിക്കാനൊരുങ്ങി നമ്മ മെട്രോ. പ്രതിദിനം ലക്ഷക്കണക്കിന് ആളുകൾ മെട്രോ ട്രെയിനുകൾ ഉപയോഗിക്കുന്നുണ്ട്. ഇതനുസരിച്ച് വരുമാനം ലഭിക്കുന്നുണ്ടെങ്കിലും, ദൈനംദിന ചെലവുകൾ വർധിക്കുകയാണ്.
യാത്രാനിരക്ക് വർധിപ്പിക്കാൻ നേരത്തെ പദ്ധതിയുണ്ടായിരുന്നെങ്കിലും കഴിഞ്ഞ ഏതാനും വർഷങ്ങളായി സർക്കാർ ഇക്കാര്യം പരിഗണിച്ചിരുന്നില്ല. നിലവിൽ നിരക്ക് വർധനയുമായി മുന്നോട്ട് പോകാനാണ് തീരുമാനമെന്ന് ബിഎംആർസിഎൽ അധികൃതർ പറഞ്ഞു. നിരക്ക് 15 മുതൽ 20 ശതമാനം വരെ വർധിപ്പിക്കാനാണ് സാധ്യത.
ഇത് സംബന്ധിച്ച് തീരുമാനമെടുക്കാൻ വിരമിച്ച ജഡ്ജിയും സംസ്ഥാനത്തെയും കേന്ദ്രത്തിലെയും ഉദ്യോഗസ്ഥരും ഉൾപ്പെടുന്ന സ്വതന്ത്ര ഫെയർ ഫിക്സേഷൻ കമ്മിറ്റി രൂപീകരിച്ചിട്ടുണ്ടെന്ന് ബിഎംആർസിഎൽ ചീഫ് പിആർഒ യശ്വന്ത് ചവാൻ പറഞ്ഞു. സമിതി ഉടൻ റിപ്പോർട്ട് സമർപ്പിക്കുമെന്നും ശുപാർശകളുടെ അടിസ്ഥാനത്തിൽ യാത്രാനിരക്ക് വർധിപ്പിക്കുമെന്നും അദ്ദേഹം പറഞ്ഞു.
TAGS: BENGALURU | NAMMA METRO
SUMMARY: Namma Metro plans fare hike for trains
