ബെംഗളൂരു: ക്രിസ്മസ് അവധിയോടനുന്ധിച്ചുള്ള യാത്രാ തിരക്ക് പരിഗണിച്ച് കേരളത്തിലേക്ക് സ്പെഷ്യൽ ട്രെയിൻ ഏർപ്പെടുത്തി ദക്ഷിണ പശ്ചിമ റെയിൽവേ. സർ.എം.വിശ്വേശ്വരയ്യ ടെർമിനൽ ബെംഗളൂരു-തിരുവനന്തപുരം നോർത്ത് സ്റ്റേഷന് റൂട്ടിലാണ് ട്രെയിന് അനുവദിച്ചത്. ഇരുഭാഗത്തേക്കുമായി ഓരോ സര്വീസുകളാണ് നടത്തുക.
ട്രെയിൻ നമ്പർ 06507- എസ്എംവിടി ബെംഗളൂരു-തിരുവനന്തപുരം നോർത്ത്
ഡിസംബർ 23-ന് സർ.എം. വിശ്വേശ്വരയ്യ ടെർമിനലിൽ നിന്ന് രാത്രി 11 മണിക്ക് പുറപ്പെട്ട് പിറ്റേന്ന് വൈകുന്നേരം 4.30-ന് തിരുവനന്തപുരം നോർത്തിൽ എത്തിച്ചേരും.
ട്രെയിൻ നമ്പർ- 06508 തിരുവനന്തപുരം നോർത്ത്-എസ്എംവിടി ബെംഗളൂരു
ഡിസംബർ 24-ന് (ചൊവ്വാഴ്ച) വൈകുന്നേരം 5.55 ന് തിരുവനന്തപുരം നോർത്തിൽ നിന്ന് പുറപ്പെട്ട് പിറ്റേ ദിവസം രാവിലെ 11.15 ന് സർ.എം. വിശ്വേശ്വരയ്യ ടെർമിനൽ ബെംഗളൂരുവിൽ എത്തിച്ചേരും.
കൃഷ്ണരാജപുരം, ബംഗാരപ്പേട്ട്, സേലം, ഈറോഡ്, തിരുപ്പൂർ, പോടന്നൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചിങ്ങവനം, തിരുവല്ല, ചെങ്ങന്നൂർ, മാവേലിക്കര, കായംകുളം, കൊല്ലം എന്നീ സ്റ്റേഷനുകളിൽ സ്റ്റോപ്പുണ്ടാകും. ഇരു ട്രെയിനുകളിലേക്കുമുള്ള ടിക്കറ്റ് റിസർവേഷൻ വരും മണിക്കൂറുകളിൽ ആരംഭിക്കും.
<BR>
TAGS : RAILWAY | SPECIAL TRAIN
SUMMARY : Christmas vacation; Special train from Bengaluru to Thiruvananthapuram allowed on 23rd
