കാർ ഡിവൈഡറിലിടിച്ച് അപകടം; ദമ്പതികൾക്ക് ദാരുണാന്ത്യം

ബെംഗളൂരു: കാർ ഡിവൈഡറിലിടിച്ചുണ്ടായ അപകടത്തിൽ ദമ്പതികൾക്ക് ദാരുണാന്ത്യം. ചിത്രദുർഗ ജില്ലയിലെ തലക്കുവിന് സമീപമുള്ള ഹിരേഹല്ല ഗേറ്റിന് സമീപം തിങ്കളാഴ്ച രാവിലെയാണ് അപകടം. ബെള്ളാരി സ്വദേശികളായ ഹോം ഗാർഡ് സൂപ്രണ്ട് ഗോപിനാഥ് (50), ഭാര്യ ശ്രീലത (42) എന്നിവരാണ് മരിച്ചത്.

ഗോപിനാഥ് മംഗളൂരു കേഡറിലാണ് സേവനമനുഷ്ഠിക്കുന്നത്. ശ്രീലത എംജിഎം സ്‌കൂളിൽ അധ്യാപികയായിരുന്നു. ഇവർ മുൾബാഗലിൽ നിന്ന് ബെള്ളാരിയിലേക്ക് വരുമ്പോഴായിരുന്നു അപകടം. ദമ്പതികൾ സംഭവസ്ഥലത്ത് തന്നെ മരിച്ചു. ഇവരുടെ മകൾ ശ്രേയ, മകൻ ശ്രീനിവാസ് എന്നിവരെ ഗുരുതര പരുക്കുകളോടെ ചിത്രദുർഗയിലെ ആശുപത്രിയിൽ പ്രവേശിപ്പിച്ചു. സംഭവത്തിൽ ചിത്രദുർഗ പോലീസ് കേസെടുത്തു.

TAGS: KARNATAKA | ACCIDENT
SUMMARY: Ballari couple die, two children seriously injured in accident