കോഴിക്കോട്: ബേബി മെമ്മോറിയല് ആശുപത്രിയില് തീപിടിത്തം. പുതിയ ബ്ലോക്കിലെ എ.സി പ്ലാന്റിനാണ് തീപിടിച്ചത്. കെട്ടിടത്തില് നിന്ന് വലിയ പുക ഉയർന്നു. രാവിലെ ഒമ്പതരയോടെയാണ് തീപിടിച്ചത്. അഗ്നിശമന സേന സ്ഥലത്തെത്തി. തീപിടിത്തം ഉണ്ടായ നിലയില് രോഗികളെ പ്രവേശിപ്പിച്ചിരുന്നില്ല. അതിനാല് വലിയ ദുരന്തം ഒഴിവായി.
ഒമ്പതാം നിലയില് എ.സി പ്ലാന്റിന്റെ നിർമാണ പ്രവർത്തനങ്ങള് നടക്കുന്ന സ്ഥലത്താണ് തീപിടിച്ചത്. മറ്റു സ്ഥലങ്ങളില് പ്രശ്നമില്ല. 8-ാം നിലയിലെ രോഗികളെ മാറ്റിയതായും അധികൃതർ പറഞ്ഞു. ഷോർട്ട് സർക്യൂട്ടാണ് തീപിടിത്തത്തിന് പിന്നിലെന്നാണ് പ്രാഥമിക നിഗമനം. സംഭവത്തെക്കുറിച്ച് കൂടുതല് അന്വേഷണം ആരംഭിച്ചിട്ടുണ്ട്.
SUMMARY: Fire breaks out at Baby Memorial Hospital in Kozhikode
