മലപ്പുറം: സ്വന്തം മകളെ മദ്യം നല്കി പീഡിപ്പിക്കാൻ കൂട്ടുനിന്ന അമ്മയ്ക്കും രണ്ടാനച്ഛനും 180 വർഷം കഠിന തടവും ശിക്ഷയും 11,75,000 രൂപ പിഴയും ശിക്ഷ.
തിരുവനന്തപുരം സ്വദേശിയായ യുവതിയെയും പാലക്കാട് സ്വദേശിയായ യുവാവിനെയുമാണ് കോടതി ശിക്ഷിച്ചത്. മഞ്ചേരി ഫാസ്റ്റ് ട്രാക്ക് കോടതിയുടേതാണ് ശിക്ഷാവിധി. 2019ലാണ് കേസിനാസ്പദമായ സംഭവം.
2019 മുതല് 2021 വരെ രണ്ട് വർഷം കുട്ടി പീഡനത്തിരയായി. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചു, നഗ്നപ്രദര്ശിപ്പിച്ചു, മദ്യം നല്കി പീഡിപ്പിച്ചു, ഭീഷണിപ്പെടുത്തി തുടങ്ങിയ കുറ്റങ്ങള് തെളിഞ്ഞതോടെയാണ് പ്രതികളാണ് അമ്മയ്ക്കും രണ്ടാനച്ഛനും കഠിനശിക്ഷ വിധിച്ചത്. നാട്ടുകാരാണ് കുട്ടിയെ ഭക്ഷണം പോലും നല്കാതെ മാതാവും രണ്ടാനച്ഛനും പീഡിപ്പിക്കുന്ന വിവരം മുത്തശ്ശനോട് പറയുന്നത്. പലപ്പോഴും വാടക വീടിന്റെ ഉടമയായിരുന്നു കുട്ടിക്ക് ഭക്ഷണം നല്കിയിരുന്നത്.
തുടര്ന്ന് മുത്തശ്ശന് പോലീസില് പരാതി നല്കുകയായിരുന്നു. കുട്ടിയെ കൗണ്സിലിങ്ങിന് വിധേയമാക്കുകയും ചെയ്തു. തന്റെ തലയില് കാമറ വെച്ചിട്ടുണ്ടെന്നും പീഡനവിവരം പുറത്ത് പറയരുതെന്നും ഭീഷണിപ്പെടുത്തുകയും ചെയ്തുവെന്നും കുട്ടി തുറന്ന് പറഞ്ഞു. പിന്നാലെയാണ് മലപ്പുറം വനിതാ പോലീസ് കേസെടുത്ത് രണ്ടാനച്ഛനെയും അമ്മയെയും അറസ്റ്റ് ചെയ്തത്.
SUMMARY: Girl raped by giving her alcohol: Stepfather and mother who helped her get 180 years in prison
