ബെംഗളൂരു: സംസ്ഥാനത്ത് ഇന്ന് മുതല്‍ നാല് ദിവസത്തേക്ക് വ്യാപകമായ കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മഴയോടൊപ്പം ഇടിമിന്നലും ശക്തമായ കാറ്റും ഉണ്ടാകും. കനത്ത മഴയുടെ പശ്ചാത്തലത്തില്‍ ബെംഗളൂരു അർബൻ, ബെംഗളൂരു റൂറൽ, ചിക്കബെല്ലാപുര, തുമക്കുരു, റായ്ച്ചൂരു, യാദ്ഗിർ, കലബുറഗി, ബിദർ എന്നീ ജില്ലകളിൽ ഞായറാഴ്ച മുതൽ നാല് ദിവസത്തേക്ക് ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. 19 ജില്ലകളിൽ കാലാവസ്ഥാ വകുപ്പ് യെല്ലോ അലര്‍ട്ടും പ്രഖ്യാപിച്ചിട്ടുണ്ട്.
കർഷകർക്കും പൊതുജനങ്ങൾക്കും സുരക്ഷാ മുന്നറിയിപ്പുകളും നൽകിയിട്ടുണ്ട്. തീരദേശ ജില്ലകളിലെ മത്സ്യ തൊഴിലാളികൾക്ക് ഉച്ചയ്ക്കുശേഷം മത്സ്യബന്ധനത്തിന് കടലിൽ പോകരുതെന്നും നിർ ദേശമുണ്ട്.
SUMMARY: Heavy rains to continue in Karnataka for four days; Orange alert issued in eight districts including Bengaluru
