ബെംഗളൂരു: ബെംഗളൂരുവിലെ പ്രമുഖ സാംസ്കാരിക സംഘടനയായ കൈരളി കലാസമിതിയുടെ ഈ വര്ഷത്തെ ‘കൈരളി കലാസമിതി സാഹിത്യ പുരസ്കാരം’ പ്രശസ്ത സാഹിത്യകാരി സാറാ ജോസഫിന്.
കൈരളി കലാസമിതി ഓഫീസില് നടത്തിയ വാര്ത്താ സമ്മേളനത്തില് പ്രസിഡന്റ് സുധാകരന് രാമന്തളിയും ജനറല് സെക്രട്ടറി പി . കെ. സുധീഷും സംയുക്തമായിട്ടാണ് അവാര്ഡ് ജേതാവിന്റെ പേര് പ്രഖ്യാപിച്ചത്. എഴുത്തുകാരായ സുഭാഷ് ചന്ദ്രന്, റഫീഖ് അഹമ്മദ്, ഇ. പി. രാജഗോപാല് എന്നിവരടങ്ങുന്ന വിധിനിര്ണാക സമിതിയാണ് പുരസ്കാരാജേതാവിനെ തിരഞ്ഞെടുത്തത്.
ഒരു ലക്ഷം രൂപയും, പ്രശസ്തി പത്രവും ആര്ട്ടിസ്റ്റ് ഷെഫീഖ് രൂപകല്പന ചെയ്ത ശില്പവും ആണ് അവാര്ഡ്. ജൂലൈ 12 ന് കൈരളി നിലയം ഓഡിറ്റോറിയത്തില് വെച്ച് നടക്കുന്ന സാഹിത്യോത്സവത്തില് പുരസ്കാരം സമ്മാനിക്കും. അന്നേ ദിവസം രാവിലെ 10 മണിമുതല് നടക്കുന്ന സാഹിത്യ പരിപാടിയില് സാറാ ജോസഫ്, സുഭാഷ് ചന്ദ്രന്, റഫീഖ് അഹമ്മദ്, ഇ. പി. രാജാഗോപാലന് തുടങ്ങിയവര് പങ്കെടുക്കും.
സാഹിത്യകൃതികളുടെ ഉള്ളടക്കത്തിലും രൂപശില്പത്തികവില്ലുമ്മുള്ള വൈവിദ്യത്തെ കുറിച്ചും ദാര്ശനികമായ അഗാധതയെ കുറിച്ചുമുള്ള പ്രൗഡഗംഭീരമായ പ്രഭാഷണങ്ങള്, വ്യത്യസ്ത സാഹിത്യ ശാഖകളെ അടിസ്ഥാനമാക്കിയുള്ള ആകര്ഷകമായ സെഷനുകള്, ബെംഗളുരുവിലെ എഴുത്തുകാരും സഹൃദയരും പങ്കെടുക്കുന്ന സംവാദങ്ങള് തുടങ്ങിയവ ഈ സാഹിത്യോത്സവത്തിന്റെ സവിശേഷതകളായിരിക്കും. മലയാളസാഹിത്യത്തിന് വിലമതിക്കാനാവാത്ത സംഭാവനകള് നല്കിയ മഹനീയ വ്യക്തിത്വങ്ങളെ അംഗീകരിക്കാനും ആദരിക്കാനുമാണ് കൈരളി കലാസമിതി ഇങ്ങനെയൊരു പുരസ്കാരം ഏര്പ്പെടുത്തിയിട്ടുള്ളത്. ആദ്യ പുരസ്കാരം എന്. എസ്. മാധവനായിരുന്നു.
SUMMARY: Kairali Kala Samiti Literary Award goes to Sarah Joseph
