ബെംഗളൂരു: കൈരളി സംസ്കൃതി സംഘം നോർത്ത് ബെംഗളൂരു സംഘടിപ്പിക്കുന്ന ഓണാഘോഷം ‘ആർപ്പോ 2026’ ഓഗസ്റ്റ് 16-ന് മാരസാന്ദ്ര ജെകെആർ ഫാംസ് ആന്റ് റിസോർട്ടില് നടക്കും. യെലഹങ്ക എംഎൽഎ. എസ്.ആർ. വിശ്വനാഥും ദൊഡ്ഡബല്ലാപ്പൂര എംഎൽഎ ധീരജ് മുനിരാജുവും ചേർന്ന് ഉദ്ഘാടനം നിർവഹിക്കും. ജനപ്രതിനിധികളും സാമൂഹിക-സാംസ്കാരിക രംഗത്തെ പ്രമുഖരും പങ്കെടുക്കും.
വിവിധ കലാസാംസ്കാരിക പരിപാടികൾ ഉണ്ടായിരിക്കും. അഹം ഫോക്ക് ബാൻഡ് കണ്ണൂർ അവതരിപ്പിക്കുന്ന ലൈവ് മ്യൂസിക്കൽ ഷോ, ഓണസദ്യ എന്നിവ ഉണ്ടായിരിക്കുമെന്ന് ഭാരവാഹികൾ അറിയിച്ചു.
SUMMARY: Kairali Samskruthi Sangham North Bengaluru Onam celebrations on the 16th
