ബെംഗളൂരു: കന്നഡ കവിയും നാടകകൃത്തും നിരൂപകനുമായ എച്ച്.എസ്. വെങ്കിട്ടേഷ മൂർത്തി (80) അന്തരിച്ചു. വെള്ളിയാഴ്ച രാവിലെ 7 മണിയോടെ സ്വകാര്യ ആശുപത്രിയിൽ വെച്ചായിരുന്നു അന്ത്യം. കഴിഞ്ഞ കുറച്ച് ദിവസങ്ങളായി വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു. ദാവണഗരെയിലെ ചന്നഗിരി താലൂക്കിലെ ഹോഡിഗെരെ സ്വദേശിയാണ്. കവിത, നാടകം, ഉപന്യാസങ്ങൾ, നോവലുകൾ, ബാലസാഹിത്യം, വിവർത്തനം, വിമർശനം തുടങ്ങിയ മേഖലകളിൽ വ്യക്തിമുദ്ര പതിപ്പിച്ച വ്യക്തിയായിരുന്നു അദ്ദേഹം.
ക്രിയാപർവം, ഓണമരദ ഗിലിഗാലു, എഷ്ടോണ്ടു മുഗിലു, അമേരിക്കദല്ലി ബില്ലുഹബ്ബ, നദിതീരദല്ലി, ഉത്തരായന, കന്നഡ സൂര്യ, വൈദേഹി തുടങ്ങിയവയാണ്‌ അദ്ദേഹത്തിന്റെ പ്രധാന കവിതകൾ. അഗ്നിവർണ, ചിത്രപാത, ഉരിയ ഉയ്യലെ, മന്താരേ തുടങ്ങിയ നാടകങ്ങളും തപി, അമനുഷാരു, കദിരനകോട്, അഗ്നിമുഖി, വേദവതി നദിയല്ല തുടങ്ങിയ നോവലുകളും അദ്ദേഹം രചിച്ചിട്ടുണ്ട്. കലബുർഗിയിൽ നടന്ന 85-ാമത് സാഹിത്യ സമ്മേളനത്തിന്റെ പ്രസിഡന്റുമായിരുന്നു.
TAGS: KARNATAKA | KANNADA
SUMMARY: Wellknown Kannada poet HS Venkateshmurthy no more
