സ്വര്‍ണ വിലയിൽ ഇടിവ്

തിരുവനന്തപുരം: കേരളത്തില്‍ സ്വര്‍ണ വിലയിൽ ഇടിവ്. അന്തര്‍ദേശീയ വിപണിയില്‍ വില കുറഞ്ഞതാണ് കേരളത്തിലും വില താഴാന്‍ കാരണം. ഇന്ന് ഒരു പവന്‍ സ്വര്‍ണത്തിന് 56880 രൂപയാണ് വില. 320 രൂപയാണ് കുറഞ്ഞിരിക്കുന്നത്. 22 കാരറ്റ് സ്വര്‍ണം ഗ്രാമിന് 7110 രൂപയാണ് പുതിയ വില. 40 രൂപയുടെ കുറവ് രേഖപ്പെടുത്തി.

അതേസമയം, 18 കാരറ്റ് സ്വര്‍ണം ഗ്രാമിന് 30 രൂപ കുറഞ്ഞ് 5875 രൂപയായി. വെള്ളിയുടെ വില സര്‍വകാല താഴ്ച്ചയിലേക്ക് പോകുകയാണ്. ഗ്രാമിന് രണ്ട് രൂപ കുറഞ്ഞ് 93 രൂപയിലെത്തി. ആഗോള വിപണിയില്‍ സ്വര്‍ണം കഴിഞ്ഞ ദിവസം നേരിയ മുന്നേറ്റം നടത്തിയ ശേഷം ഇടിഞ്ഞു. ഔണ്‍സ് സ്വര്‍ണത്തിന് 2606 ഡോളര്‍ എന്ന നിരക്കിലെത്തി.

വില കുറയുന്നതിനുള്ള സാഹചര്യം വിപണിയിലുണ്ട് എന്നാണ് വ്യാപാരികള്‍ പറയുന്നത്. രാഷ്ട്രീയ അന്തരീക്ഷം കൂടുതല്‍ സുന്ദരമായാല്‍ വില ഇനിയും കുറഞ്ഞേക്കും. ഇന്ന് സ്വര്‍ണം വാങ്ങാന്‍ ആഗ്രഹിക്കുന്നവര്‍ക്ക് ഒരു പവന്‍ ആഭരണത്തിന് 62000 രൂപയില്‍ താഴെയാകും ചെലവ് വരിക.

TAGS : GOLD RATES
SUMMARY : Gold rate is decreased