ബെംഗളൂരു : കെഎൻഎസ്എസ് മഹാദേവപുര കരയോഗം വാർഷിക കുടുംബ സംഗമവും ഓണാഘോഷവും നവംബർ 17-ന് മാറത്തഹള്ളി എ.ഇ.സി.എസ്. ലേ ഔട്ടിലെ സി.എം. ആർ. ഇൻസ്റ്റിറ്റ്യൂട്ട് ഓഫ് ടെക്‌നോളജി ഓഡിറ്റോറിയത്തിൽ നടക്കും. രാവിലെ 9 ന് ആഘോഷപരിപാടികള്‍ ആരംഭിക്കും.
അംഗങ്ങള്‍ അവതരിപ്പിക്കുന്ന വിവിധ കലാപരിപാടികൾ, പൂക്കളമത്സരം, തിരുവാതിരക്കളി മത്സരം, വനിതകൾ അവതരിപ്പിക്കുന്ന ശിങ്കാരിമേളം, തെയ്യം, നാടൻപാട്ടുകൾ, ഓണസദ്യ, പിന്നണി ഗായകൻ ഹരീഷ് ശിവരാമകൃഷ്ണനും സംഘവും അവതരിപ്പിക്കുന്ന സംഗീത മെഗാഷോ എന്നിവ ഉണ്ടായിരിക്കും.
വൈകിട്ട് നാലിന് നടക്കുന്ന സാംസ്കാരിക സമ്മേളനത്തിൽ മുൻ മന്ത്രി അരവിന്ദ് ലിംബാവലി മുഖ്യാതിഥിയാകും. കരയോഗം പ്രസിഡന്റ് കെ. മോഹനന്‍ അധ്യക്ഷനാകും. ചെയർമാൻ രാമചന്ദ്രൻ പാലേരി, ജനറൽ സെക്രട്ടറി ആർ. മനോഹരക്കുറുപ്പ്, ഖജാൻജി മുരളീധർ നായർ എന്നിവർ ചടങ്ങില്‍ പങ്കെടുക്കുമെന്ന് സെക്രട്ടറി വി.കെ. രവീന്ദ്രൻ അറിയിച്ചു. ഫോൺ: 8095544890.
TAGS : KNSS
