ബെംഗളൂരു: നിഖിൽ കുമാരസ്വാമി ജെഡിഎസ് കർണാടക അധ്യക്ഷനായേക്കും. നിലവിൽ സംസ്ഥാനാധ്യക്ഷനായ കേന്ദ്രമന്ത്രി കുമാരസ്വാമി അധ്യക്ഷ പദവി മകന് കൈമാറുമെന്നാണ് വിവരം. സംക്രാന്തിക്ക് ശേഷം ഇക്കാര്യത്തിൽ പ്രഖ്യാപനമുണ്ടാകുമെന്ന് പാർട്ടി വൃത്തങ്ങൾ അറിയിച്ചു. നിലവിൽ ജെഡിഎസ് യുവജന വിഭാഗം അധ്യക്ഷനാണ് നിഖിൽ.
പാർട്ടിയുടെ ദേശീയ അധ്യക്ഷനായ എച്ച്. ഡി. ദേവഗൗഡയുടെ മറ്റ് രണ്ട് പേരക്കുട്ടികൾ, പ്രജ്വൽ രേവണ്ണയും സൂരജ് രേവണ്ണയും ലൈംഗിക പീഡനാരോപണ കേസുകളിൽ പ്രതികളാണ്. ഇക്കാരണത്താലാണ് പാർട്ടി അധ്യക്ഷ പദവിയിലേക്ക് നിഖിലിനെ പരിഗണിച്ചത്. നിഖിൽ കുമാരസ്വാമി സിനിമാ അഭിനേതാവെന്ന നിലയിൽ പ്രശസ്തനാണെങ്കിലും രാഷ്ട്രീയത്തിൽ വേണ്ടവിധത്തിൽ തിളങ്ങാനായിട്ടില്ല. 2019-ലെ ലോക്‌സഭാ തിരഞ്ഞെടുപ്പിൽ മാണ്ഡ്യയിൽ നിന്ന് ജെഡിഎസ്-കോൺഗ്രസ് സഖ്യ സ്ഥാനാർത്ഥിയായും 2023 ലെ നിയമസഭാ തിരഞ്ഞെടുപ്പിൽ രാമനഗരയിൽനിന്നും മത്സരിച്ചെങ്കിലും പരാജയപ്പെട്ടു. അടുത്തിടെ നടന്ന ചന്നപട്ടണ നിയമസഭാ ഉപതിരഞ്ഞെടുപ്പിലും നിഖിൽ പരാജയപ്പെട്ടിരുന്നു.
TAGS: KARNATAKA | JDS
SUMMARY: JD(S) planning revamp as HD Kumaraswamy goes to Centre, Nikhil likely to be new state chief
