പാറ്റ്ന: ബിഹാറില് രാഷ്ട്രീയ മാറ്റത്തിന് തുടക്കം. തന്റെ നിയമസഭ കൗണ്സില് അംഗത്വം ഔദ്യോഗികമായി രാജിവച്ച് നിതീഷ് കുമാർ. ജനതാദള് യുണൈറ്റഡ് എംഎല്സി സഞ്ജയ് ഗാന്ധി ബിഹാർ ലെജിസ്ലേറ്റീവ് കൗണ്സില് സെക്രട്ടറിയേറ്റില് നേരിട്ടെത്തിയാണ് മുഖ്യമന്ത്രിയുടെ രാജിക്കത്ത് സമർപ്പിച്ചു.
വരും ദിവസങ്ങളില് അദ്ദേഹം മുഖ്യമന്ത്രി സ്ഥാനവും രാജിവയ്ക്കുമെന്നാണ് വിവരങ്ങള്. ഭരണതലത്തില് വലിയൊരു അധികാര കൈമാറ്റത്തിന് മുന്നോടിയായാണ് ഈ അപ്രതീക്ഷിത രാജി എന്നാണ് രാഷ്ട്രീയ നിരീക്ഷകർ കരുതുന്നത്. സംസ്ഥാനത്തെ രാഷ്ട്രീയ സമവാക്യങ്ങളെ പൂർണമായും മാറ്റിമറിക്കുന്ന ഈ നീക്കം ബിഹാർ ഭരണകൂടത്തില് വലിയൊരു മാറ്റത്തിന്റെ സൂചനയായാണ് വിലയിരുത്തപ്പെടുന്നത്.
SUMMARY: Nitish Kumar resigns from MLC post
