ബെംഗളൂരു: ബാംഗ്ലൂർ മലയാളി കാത്തലിക് അസോസിയേഷന്റെ (ബി.എം.സി.എ.) നേതൃത്വത്തിൽ വിപുലമായ പരിപാടികളോടെ ഓണാഘോഷം സംഘടിപ്പിച്ചു. പൂക്കളമത്സരത്തോടെ ആഘോഷങ്ങൾ ആരംഭിച്ചു.പൊതുസമ്മേളനം നടനും എഴുത്തുകാരനുമായ മധുപാൽ ഉദ്ഘാടനംചെയ്തു. ബി.എം.സി.എ. രക്ഷാധികാരിയും ആറാട്ട് ഗ്രൂപ്പ് ചെയർമാനുമായ ടോണി വിൻസെന്റ് ആറാട്ടുകുളം വിശിഷ്ടാതിഥിയായിരുന്നു.
ബി.എം.സി.എ. പ്രസിഡന്റ് ജെൻസൺ വട്ടോലി അധ്യക്ഷതവഹിച്ചു. വൈസ് പ്രസിഡന്റ് സാബു സെബാസ്റ്റ്യൻ, ജോയിന്റ് സെക്രട്ടറി സഞ്ജു ഡൊമിനിക്, ട്രഷറർ ബോണി പോൾ, ജനറൽ സെക്രട്ടറി ഡോൺ ബോസ്കോ ചെറിയാൻ എന്നിവർ പ്രസംഗിച്ചു. അസോസിയേഷേൻ അംഗങ്ങളുടെ കലാപരിപാടികൾ, തിരുവാതിര, ഓണസ്സദ്യ, സോവിയാക് സെവൻ അവതരിപ്പിച്ച ഇൻസ്ട്രുമെന്റൽ ഫ്യൂഷൻ സംഗീതവിരുന്ന് എന്നിവയുണ്ടായിരുന്നു. ഓണാഘോഷ പരിപാടികൾക്ക് ബി.എം.സി.എ മാനേജിംഗ് കമ്മിറ്റി അംഗങ്ങൾ നേതൃത്വം നൽകി.
SUMMARY: Onam celebration for Bangalore Malayali Catholic Association
