ബെംഗളൂരു: വാഹനപരിശോധനക്കിടെ ലോറിയിടിച്ച് പോലീസ് കോൺസ്റ്റബിൾ മരിച്ചു. ദാവൻഗെരെ ഹെബ്ബാൾ ടോൾ പ്ലാസയിൽ ചൊവ്വാഴ്ച ഉച്ചയോടെയാണ് അപകടമുണ്ടായത്. ജില്ലാ സായുധ റിസർവ് (ഡിഎആർ) ഉദ്യോഗസ്ഥനായ രാമപ്പ പൂജാർ (27) ആണ് മരിച്ചത്. വാഹന പരിശോധനയ്ക്കിടെ അമിതവേഗത്തിലെത്തിയ ലോറി രാമപ്പയുടെ ദേഹത്തേക്ക് ഇടിച്ചുകയറുകയായിരുന്നു.
വാഹന പരിശോധനയ്ക്കിടെ, രാമപ്പ പൂജാർ ലോറി നിർത്താൻ കൈകാണിച്ചിരുന്നു. എന്നാൽ ഡ്രൈവർ ലോറി അമിതവേഗത്തിൽ വരികയും കോൺസ്റ്റബിളിനെ ഇടിച്ചു തെറിപ്പിച്ച് കടന്നുകളയുകയുമായിരുന്നു. ഗുരുതരമായി പരുക്കേറ്റ രാമപ്പ സംഭവസ്ഥലത്ത് തന്നെ മരിച്ചു. മൃതദേഹം പിന്നീട് പോസ്റ്റ്‌മോർട്ടത്തിനായി എസ്എസ് ആശുപത്രിയിലേക്ക് മാറ്റി. സിസിടിവി ദൃശ്യങ്ങൾ കേന്ദ്രീകരിച്ച് ലോറി ഡ്രൈവർക്കായി തിരച്ചിൽ പുരോഗമിക്കുകയാണെന്ന് ഡെപ്യൂട്ടി എസ്പി ശരണബസവേശ്വര പറഞ്ഞു.
TAGS: KARNATAKA | ACCIDENT
SUMMARY: Police constable dies after being run over by lorry during vehicle checks in Davanagere
