കൊച്ചി: എറണാകുളം സൗത്ത് കളമശ്ശേരിയില്‍ ഓടിക്കൊണ്ടിരുന്ന മഹീന്ദ്ര ഥാർ ജീപ്പ് പൂർണ്ണമായും കത്തിയമർന്നു. ശനിയാഴ്ച വൈകുന്നേരത്തോടെ സൗത്ത് കളമശ്ശേരി പോലീസ് സ്റ്റേഷന് സമീപമുള്ള നാഷണല്‍ ഹൈവേയിലായിരുന്നു അപകടം. വാഹനത്തില്‍ നിന്ന് പുക ഉയർന്നയുടൻ യാത്രക്കാർ സമയോചിതമായി ഇറങ്ങി മാറിയതിനാല്‍ വലിയൊരു ദുരന്തമാണ് ഒഴിവായത്.
അന്യസംസ്ഥാനക്കാരനായ പ്രശാന്തും കുടുംബവും സഞ്ചരിച്ച വാഹനമാണ് കത്തിയത്. കോഴിക്കോട്ട് നിന്നും കൊച്ചി ഭാഗത്തേക്ക് വരികയായിരുന്നു ഇവർ. കളമശ്ശേരിയില്‍ എത്തിയപ്പോള്‍ വാഹനത്തിന്റെ മുൻഭാഗത്തുനിന്നും പുക ഉയരുന്നത് പ്രശാന്തിന്റെ ശ്രദ്ധയില്‍പ്പെടുകയായിരുന്നു. ഉടൻ തന്നെ അദ്ദേഹം വാഹനം റോഡരികിലേക്ക് ഒതുക്കി നിർത്തി കുടുംബത്തോടൊപ്പം പുറത്തിറങ്ങി. നിമിഷങ്ങള്‍ക്കകം തന്നെ കാർ പൂർണ്ണമായും തീഗ്രാമത്തില്‍ അമർന്നു. ഉടൻ തന്നെ ഫയർഫോഴ്സ് സ്ഥലത്തെത്തി തീയണച്ചു. സ്ഥലത്ത് വൻകതാഗതക്കുരുക്ക് രൂപപ്പെട്ടിരിക്കുകയാണ്.
SUMMARY: Thar burning in Kalamassery; passengers miraculously escape
