ട്രെയിനിൽ വെച്ച് മൂന്ന് വയസുകാരനെ തട്ടിക്കൊണ്ടുപോകാൻ ശ്രമം; ദമ്പതികൾ പിടിയിൽ

ബെംഗളൂരു: ബെംഗളൂരുവിലേക്ക് പോകുകയായിരുന്ന ട്രെയിനിൽ വെച്ച് മൂന്ന് വയസുകാരനെ തട്ടിക്കൊണ്ടുപോകാൻ ശ്രമിച്ച ദമ്പതികൾ പിടിയിൽ. ഉദ്യാൻ എക്‌സ്പ്രസിൽ ശനിയാഴ്ചയായിരുന്നു സംഭവം. റായ്‌ച്ചൂർ പോലീസ്, റെയിൽവേ പ്രൊട്ടക്ഷൻ ഫോഴ്സ് (ആർപിഎഫ്), ചൈൽഡ് ഹെൽപ്പ് ലൈൻ, ജില്ലാ ശിശു സംരക്ഷണ സമിതി എന്നിവർ നടത്തിയ പരിശോധനയിലാണ് കുട്ടിയെ രക്ഷിച്ചെടുത്തത്.

ദമ്പതികളായ രൂപേഷും കുസുമയുമാണ് പിടിയിലായത്. ദേവദുർഗ താലൂക്കിലെ ബന്ദെഗുഡ്ഡ തണ്ട സ്വദേശികളായ പ്രകാശ്-ഹെമ്മേ ദമ്പതികളുടെ മകനെയാണ് ഇവർ തട്ടികൊണ്ടുപോകാൻ ശ്രമിച്ചത്. രൂപേഷും കുസുമയും ബിസ്‌ക്കറ്റ് നൽകിയെ ശേഷം കുട്ടിയെ കൂട്ടി റായ്ചൂരിൽ ഇറങ്ങുകയായിരുന്നു.

കുട്ടിയെ കാണാതിരുന്നാൽ മാതാപിതാക്കൾ ഉടൻ റെയിൽവേ പോലീസിൽ വിവരമറിയിച്ചു. പ്രതികളുടെ ഫോൺ നമ്പർ ട്രാക്ക് ചെയ്ത പോലീസ് ഉടൻ തന്നെ ഇവരെ പിടികൂടി കുട്ടിയെ തിരികെ മാതാപിതാക്കളെ ഏൽപ്പിച്ചു. കുട്ടികളില്ലാത്തതിനാലാണ് ദമ്പതികൾ കുട്ടിയെ തട്ടിക്കൊണ്ടുപോയതെന്ന് പോലീസ് പറഞ്ഞു.

TAGS: KARNATAKA | ARREST
SUMMARY: 3-year-old boy snatched from Bengaluru-bound Udyan Express rescued, couple arrested