ബെംഗളൂരു: നിയന്ത്രണം വിട്ട ടെമ്പോ ട്രാവലർ മറിഞ്ഞുണ്ടായ അപകടത്തിൽ 14 പേർക്ക് പരുക്കേറ്റു. ചൊവ്വാഴ്ച സകലേഷ്പുരിൽ തൊഴിലാളികളുമായി പോയ ട്രാവലലറാണ് റോഡിൽ മറിഞ്ഞത്. പരുക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചയ്. ഇവരിൽ നാല് പേരുടെ നില അതീവഗുരുതരമാണ്.
തമിഴ്‌നാട്ടിലെ സേലത്ത് നിന്ന് കുടകിലെ കാപ്പിത്തോട്ടത്തിലേക്ക് തൊഴിലാളികളെ കൊണ്ടുപോകുന്നതിനിടെയാണ് അപകടമുണ്ടായത്. ഡ്രൈവർക്ക് നിയന്ത്രണം നഷ്ടപ്പെട്ടതിനെ തുടർന്ന് ദേശീയപാത 75ൽ വാഹനം തലകീഴായി മറിയുകയായിരുന്നു.
പ്രദേശവാസികളും പോലീസും സ്ഥലത്തെത്തി വാഹനത്തിനടിയിൽ കുടുങ്ങിയ തൊഴിലാളികളെ രക്ഷപ്പെടുത്തി ചികിത്സയ്ക്കായി ഹാസൻ ജില്ലാ ആശുപത്രിയിലേക്ക് മാറ്റി. സംഭവത്തിൽ സകലേഷ്പുര റൂറൽ പോലീസ് കേസെടുത്തു.
TAGS: ACCIDENT
SUMMARY: 4 labourers critical, 14 suffer injuries after traveller carrying them overturns in Sakleshpur
