കൊച്ചി: ഇറാൻ-ഇസ്രായേൽ സംഘര്ഷം രൂക്ഷമായിക്കൊണ്ടിരിക്കെ നെടുമ്പാശ്ശേരിയിൽ നിന്നുള്ള 16 വിമാനങ്ങൾ കൂടി റദ്ദാക്കി. ദുബൈ, സലാല, ദോഹ അബൂദബി, കുവൈത്ത് എന്നിവിടങ്ങളിലേക്കുള്ള വിമാനങ്ങളാണ് റദ്ദാക്കിയത്. മസ്കറ്റിലേക്കും ജിദ്ദയിലേക്കുമുള്ള സർവീസ് റദ്ദാക്കിയിട്ടില്ല. യുഎഇ ഉള്പ്പെടെയുള്ള രാജ്യങ്ങള് വ്യോമപാത അടച്ചതാണ് സര്വീസുകളെ ബാധിച്ചത്.
സുരക്ഷാ മുന്കരുതലിന്റെ ഭാഗമായി മിഡില് ഈസ്റ്റിലേക്കുള്ള എല്ലാ സര്വീസുകളും എയര് ഇന്ത്യ താല്ക്കാലികമായി നിര്ത്തിവച്ചു. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് മുന്ഗണനയെന്ന് എയര്ലൈന് അധികൃതര് വ്യക്തമാക്കി.
കരിപ്പൂരില് നിന്ന് ഖത്തറിലേക്കും തിരിച്ചുമുള്ള സര്വീസുകള് അടുത്ത അറിയിപ്പ് ഉണ്ടാകുന്നത് വരെ നിര്ത്തിവച്ചിരിക്കുകയാണ്. യുദ്ധസാഹചര്യം നിലനില്ക്കുന്നതിനാല് വരും ദിവസങ്ങളിലും വിമാന സമയക്രമത്തില് മാറ്റം വരാന് സാധ്യതയുണ്ട്. യാത്രക്കാര് അതത് എയര്ലൈനുകളുമായി ബന്ധപ്പെട്ട് യാത്ര ഉറപ്പുവരുത്തണമെന്ന് അധികൃതര് നിര്ദേശിച്ചു.
SUMMARY: West Asian conflict; 16 more flights from Nedumbassery cancelled
