ഇടുക്കി: കാന്തല്ലൂർ ഗുഹാനാഥപുരത്ത് ജനവാസമേഖലയിലിറങ്ങിയ കാട്ടാനക്കൂട്ടം വലിയ നാശനഷ്ടം വരുത്തിവെച്ചു. പുലർച്ചെ ഒരു മണിയോടെ കാടിറങ്ങിയ മൂന്ന് കാട്ടാനകള് അടങ്ങുന്ന സംഘമാണ് പ്രദേശത്ത് ഭീതി പടർത്തിയത്. റോഡരികില് നിർത്തിയിട്ടിരുന്ന ജീപ്പുകള് കാട്ടാനകള് കുത്തിമറിച്ചിടുകയും തകർക്കുകയും ചെയ്തു.
കഴിഞ്ഞ കുറച്ചുദിവസങ്ങളായി ഈ മൂന്നംഗ കാട്ടാനക്കൂട്ടം മേഖലയില് തമ്പടിച്ചിരിക്കുകയാണെന്ന് പ്രദേശവാസികള് പറയുന്നു. തോട്ടം തൊഴിലാളികളും കർഷകരും കടുത്ത ഭീതിയിലാണ് കഴിയുന്നത്. സ്ഥലത്തെത്തിയ ഫോറസ്റ്റ് റാപ്പിഡ് റെസ്പോണ്സ് ടീം ബഹളം വെച്ചും പടക്കം പൊട്ടിച്ചുമാണ് ആനകളെ തുരത്തിയത്.
SUMMARY: Wild elephant herd goes on a rampage in Kanthalloor; two jeeps parked by the roadside destroyed
