ബെംഗളൂരു: കർണാടകയിൽ സ്വകാര്യ ബസ് മറിഞ്ഞ് രണ്ട് പേർ മരിച്ചു. യാദ്ഗിർ ഷാപൂർ താലൂക്കിലെ ഹട്ടിഗൂഡുരു ഗ്രാമത്തിന് സമീപം ഞായറാഴ്ച രാത്രിയോടെയാണ് അപകടമുണ്ടായത്. സംഭവത്തിൽ ഏഴ് പേർക്ക് ഗുരുതരമായി പരുക്കേൽക്കുകയും ചെയ്തു.
കലബുർഗിയിൽ നിന്ന് ബെംഗളൂരുവിലേക്ക് പോവുകയായിരുന്ന ബസാണ് അപകടത്തിൽ പെട്ടത്. ആകെ 37 യാത്രക്കാരാണ് ബസിൽ ഉണ്ടായിരുന്നത്. അപകടത്തിൽ നിരവധി യാത്രക്കാർക്ക് നിസാര പരുക്കേറ്റു. ബസിൽ കുടുങ്ങിയ യാത്രക്കാരെ മണിക്കൂറുകൾ നീണ്ട ശ്രമത്തിനൊടുവിലാണ് പോലീസ് പുറത്തെടുത്തത്. സുർപൂർ ഡെപ്യൂട്ടി എസ്പി ജാവേദ് ഇനാംദാർ ആശുപത്രിയിലുള്ളവരെ സന്ദർശിച്ചു. മരിച്ചവരുടെ പേര് വിവരങ്ങൾ ഇതുവരെ കണ്ടെത്താനായിട്ടില്ല. സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് പറഞ്ഞു.
TAGS: KARNATAKA, ACCIDENT
KEYWORDS: Bus overturns in karnataka two dead
