തേനി: നടൻ റിയാസ് പത്താന് കാറപകടത്തില് പരുക്കേറ്റു. തമിഴ്നാട്ടിലെ തേനിയില് വച്ചായിരുന്നു അപകടം. പുലര്ച്ചെ 4ന് ആലപ്പുഴ വീട്ടില് നിന്നും യാത്ര തിരിച്ച് തേനി എത്തിന് മുമ്പേ രാവിലെ 8ന് റിയാസ് പത്താന് സഞ്ചരിച്ച കാര് ഡിവൈഡറില് ഇടിക്കുകയായിരുന്നു. റിയാസ് ഇരുന്ന ഭാഗത്തേയ്ക്കാണ് ഇടിച്ച് കയറിയത്.
ഉടന് 108 ആമ്പുലന്സില് തേനി താലൂക്ക് ആശുപത്രിയിലും അതിന് ശേഷം തേനി മെഡിക്കല് കോളേജിലും പ്രവേശിപ്പിച്ചു. വിദഗ്ദ ചികിത്സ വേണ്ടതിനാല് വൈക്കം ഇന്ഡോ അമേരിക്കന് ഹോസ്പിറ്റലില് അഡ്മിറ്റ് ചെയ്തു. ഫ്ലാറ്റ് നമ്പര് 4 ബിയിലെ പ്രധാന കഥാപാത്രം ചെയത് മലയാള സിനിമയിലേയ്ക്ക് വന്ന റിയാസ് കായംകുളം കൊച്ചുണ്ണി, ക്ലിന്റ്, റാണി, കന്നട സിനിമ ഗഡിയാറ തുടങ്ങിയ ധാരാളം സിനിമകളിലും അഭിനയിച്ചിട്ടുണ്ട്.
കഴിഞ്ഞയാഴ്ച മനോരമ മാക്സില് റിലീസ് ചെയ്ത രണ്ടാം മുഖത്തിലും ശ്രദ്ധിക്കപ്പെടുന്ന ഒരു വേഷം ചെയ്തിട്ടുണ്ട്. രണ്ട് സിനിമകളുടെ തിരക്കഥ എഴുതിക്കൊണ്ടിരിക്കുന്ന സമയത്താണ് ഈ അപകടം നടന്നത്. ഉടനെ ആശുപത്രി വിടും എന്ന് അധികൃതര് അറിയിച്ചു.
SUMMARY: Malayali actor Riyaz Pathan met with a car accident
