ബെംഗളുരു: ഐപിസി കര്ണാടക സ്റ്റേറ്റ് ബാംഗ്ലൂര് ഈസ്റ്റ് സെന്റര് വാര്ഷിക കണ്വന്ഷന് ഐപിസി നോര്ത്ത് സെന്റര് പ്രസിഡന്റ് പാസ്റ്റര് വര്ഗീസ് മാത്യു ഉദ്ഘാടനം ചെയ്തു. വിശ്വാസികള് ലോകം വായിച്ചറിയേണ്ട പത്രങ്ങളാണെന്നും വിശ്വാസിയുടെ ജീവിതചര്യകളും പ്രവര്ത്തനങ്ങളും പൊതു ലോകത്തിനു അറിവു പകരുന്നതാകണമെന്നും അദ്ദേഹം പറഞ്ഞു.
രാജപാളയ ഐപിസി ശാലോം സഭാഹാളില് നടന്ന പരിപാടിയില് പാസ്റ്റര് റോയ് ഫിലിപ്പ് അധ്യക്ഷത വഹിച്ചു. പാസ്റ്റര് ഫെയ്ത്ത് ബ്ലസന്, ഐപിസി കര്ണാടക സ്റ്റേറ്റ് ജോയിന്റ് സെക്രട്ടറി പാസ്റ്റര് പി പി ജോസഫ് എന്നിവര് സംസാരിച്ചു.
ഇന്ന് രാവിലെ 10ന് ഉപവാസ പ്രാര്ഥന, ശനി രാവിലെ 10ന് ഉണര്വ്വ് യോഗം വൈകിട്ട് 2.30 മുതല് 5 വരെ സെന്റര് പിവൈപിഎ, സണ്ഡേ സ്കൂള്, വിമന്സ് ഫെലോഷിപ്പ് വാര്ഷിക യോഗം ദിവസവും വൈകിട്ട് 6 മുതല് 8:30 വരെ സുവിശേഷയോഗം എന്നിവ ഉണ്ടായിരിക്കും.പാസ്റ്റര്മാരായ വര്ഗീസ് മാത്യു , ബാബു ചെറിയാന് (പിറവം), ഫെയ്ത്ത് ബ്ലസന്, എന്നിവര് കണ്വെന്ഷനില് പ്രസംഗിക്കും.
സെന്റര് പിവൈപിഎ ക്വയര് ഗാനശുശ്രൂഷ നിര്വഹിക്കും. ഞായറാഴ്ച രാവിലെ 9.30 ന് വൈറ്റ് ഫീല്ഡ് എലിം സെന്ററില് സംയുക്ത ആരാധനയോടെ കണ്വെന്ഷന് സമാപിക്കും.
ജനറല് കണ്വീനര് പാസ്റ്റര് ജോമോന് ജോണ്, ഈസ്റ്റ് സെന്റര് സെക്രട്ടറി പാസ്റ്റര് പി. വി. ജെയിംസ്, ട്രഷറര് ബ്രദര്. എബ്രഹാം തോമസ് എന്നിവര് കണ്വന്ഷന് നേതൃത്വം നല്കും.
SUMMARY: IPC Bengaluru East Center Convention begins
