ബെംഗളൂരു: മടിക്കേരിയിൽ പുതുതായി ആരംഭിച്ച ഓൾ ഇന്ത്യ കെഎംസിസി ഓഫീസിന്റെ ഉദ്ഘാടനം കർണാടക ആരോഗ്യ-കുടുംബക്ഷേമ വകുപ്പ് മന്ത്രി യു.ടി ഖാദർ നിർവഹിച്ചു. സമൂഹത്തിലെ അവശത അനുഭവിക്കുന്നവർക്ക് കൈത്താങ്ങായി എഐകെഎംസിസി നടത്തുന്ന ജീവകാരുണ്യ പ്രവർത്തനങ്ങൾ ഏറെ മാതൃകാപരമാണെന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു. ജാതി-മത ഭേദമന്യേ പാവപ്പെട്ടവർക്ക് മികച്ച ചികിത്സയും സഹായവും എത്തിക്കുന്നതിൽ സംഘടനയുടെ പ്രവർത്തനം അഭിനന്ദനീയമാണെന്നും മന്ത്രി കൂട്ടിച്ചേർത്തു.
എഐകെഎംസിസി നാഷണൽ ജനറൽ സെക്രട്ടറി എം.കെ നൗഷാദ് ചടങ്ങിൽ അധ്യക്ഷത വഹിച്ചു. നാസർ ഹിൽട്ടൺ സ്വാഗതം ആശംസിച്ചു. ചടങ്ങിൽ യാഹ്കൂബ് ഹാജി, റിയാസ് എം.ടി, താഹിർ എം.പി, അബ്ദുൽ ഗഫൂർ, മഹ്മൂദ് കെ.കെ, തെന്നി രമൈന, റിയാസ് പാരിസ്, അൻവർ കൂത്തുപറമ്പ്, മുനീർ പഴശി, മുഹമ്മദ് മാരത്തഹള്ളി തുടങ്ങിയവർ സംബന്ധിച്ചു. സമീർ വി നന്ദി രേഖപ്പെടുത്തി.
SUMMARY: UT Khader says AIKMCC’s role in charitable activities is exemplary
