തിരുവനന്തപുരം: കന്യാകുമാരിയിലെ സ്വകാര്യ നഴ്സിങ് കോളജ് കെട്ടിടത്തില് നിന്ന് ചാടി മലയാളി വിദ്യാര്ഥിനി മരിച്ച സംഭവത്തില് പ്രിന്സിപ്പല് ഷീജ അറസ്റ്റില്. നെയ്യാറ്റിന്കര സ്വദേശിനി ആന്സിജയുടെ മരണത്തിലാണ് നടപടി. ഷീജക്കെതിരെ ആത്മഹത്യാ പ്രേരണക്കുറ്റം ചുമത്തി. ഒളിവിലായിരുന്ന ഷീജയെ ബെംഗളൂരുവിനടുത്തുള്ള ഹൊസൂറില് വച്ചാണ് പ്രത്യേക അന്വേഷണസംഘം പിടികൂടിയത്. പിന്നാലെ അറസ്റ്റ് രേഖപ്പെടുത്തുകയായിരുന്നു.
കോളജിന്റെ മൂന്നാം നിലയില് നിന്ന് താഴേക്ക് ചാടിയ ആന്സിജി, തിരുവനന്തപുരത്തെ സ്വകാര്യ ആശുപത്രിയില് ചികിത്സയിലിരിക്കെയാണ് മരിച്ചത്.
പ്രിന്സിപ്പലിന്റെ മാനസിക പീഡനം കാരണമാണ് വിദ്യാര്ഥിനി ജീവനൊടുക്കിയതെന്നാണ് പരാതി. വിദ്യാര്ഥികളുടെയും കുടുംബത്തിന്റെയും പ്രതിഷേധത്തെ തുടര്ന്ന് കന്യാകുമാരി എസ് പിയുടെ നേതൃത്വത്തില് പ്രത്യേക അന്വേഷണ സംഘത്തെ നിയോഗിക്കുകയായിരുന്നു. കോളജില് മൊബൈല് ഫോണ് കൊണ്ടുവന്നുവെന്ന് ആരോപിച്ച് അധ്യാപിക മാനസികമായി പീഡിപ്പിച്ചെന്ന് കാട്ടി ആന്സിജി സുഹൃത്തുക്കള്ക്ക് അയച്ച ശബ്ദസന്ദേശം നേരത്തെ പുറത്തുവന്നിരുന്നു.
SUMMARY: Student’s suicide: College principal arrested
