ബെംഗളൂരു: ആനേക്കൽ കേന്ദ്രമായി പ്രവര്‍ത്തിക്കുന്ന മലയാളി കൂട്ടായ്മയായ നന്മ മലയാളി അസോസിയേഷന്റെ ഓണാഘോഷം വിബിഎച്ച്‌സി വൈഭവ അപ്പാർട്ട്മെന്റിൽ വിവിധ പരിപാടികളോടെ നടന്നു. പി. ലോകേഷ് ഉദ്ഘാടനം ചെയ്തു. കായികമേള, ആരോഗ്യപരിശോധനാ ക്യാമ്പ്, മാവേലി എഴുന്നള്ളത്ത്, തിരുവാതിരകളി, കലാപരിപാടികൾ തുടങ്ങിയവയുണ്ടായിരുന്നു.
പൂക്കളമത്സരം, വടംവലി, പഞ്ചഗുസ്തിമത്സരങ്ങളും നടത്തി. ഓണസദ്യയുമുണ്ടായിരുന്നു. നിയാസ് ഖാൻ, വെക്ടരാജൻ, ബി.എൻ. മുരളി, ഷാജി എന്നിവർ വിശിഷ്ടാതിഥികളായിരുന്നു. നന്മ പ്രസിഡന്റ് രാജീവ് പി. ഗിരിവാസൻ, നമ്മ വൈസ് പ്രസിഡന്റ് ഹരികൃഷ്ണൻ ചെറുവള്ളി എന്നിവർ പ്രസംഗിച്ചു. നന്മ രക്ഷാധികാരികളായ ജിൻസ് അരവിന്ദാക്ഷൻ, വിശ്വാസ്, ജിതേഷ് അമ്പാടി, സെക്രട്ടറി ദീപു ജയൻ, ജോയിന്റ് സെക്രട്ടറി വി.ഡി. ലൈജു, ട്രഷറർ എൻ. സതീഷ്, ജോയിന്റ് ട്രഷറർ രജീഷ് പാറമ്മൽ തുടങ്ങിയവർ നേതൃത്വം നൽകി.
SUMMARY: Nanma Malayali Association Onam Celebrations
