ബെംഗളൂരു: കുന്ദലഹള്ളി കേരളസമാജം ഓണാഘോഷം ‘കെ.കെ.എസ്. പൊന്നോണം 2026’ ഇന്ന് രാവിലെ ഒന്‍പത് മുതല്‍ കുന്ദലഹള്ളി സി.എം.ആര്‍.ഐ.ടി. ഓഡിറ്റോറിയത്തിൽ വിവിധ പരിപാടികളോടെ നടക്കും. ബെംഗളൂരുവിലെ പ്രശസ്ത ബില്‍ഡറായ മാര്‍ക്ക് ഓണ്‍ ഹോംസിന്റെ സഹകരണത്തോടെയാണ് പരിപാടി സംഘടിപ്പിക്കുന്നത്.
ബെംഗളൂരു സെന്‍ട്രല്‍ എം.പി. പി.സി. മോഹന്‍, മഹാദേവപുര എം.എല്‍.എ. മഞ്ജുള ലിംബാവലി, മുന്‍ മന്ത്രി അരവിന്ദ് ലിംബാവലി എന്നിവര്‍ സന്നിഹിതരാകും. ഗായകരായ ശിവപ്രിയ, അർജുൻ എന്നിവരും പങ്കെടുക്കും. രാവിലെ സമാജം അംഗങ്ങളുടെ കലാപരിപാടികൾ അരങ്ങേറും. 80 വയസ്സ് പിന്നിട്ട അംഗങ്ങൾക്കുള്ള ആദരം, വിദ്യാർഥികൾക്കുള്ള അനുമോദനം, ഓണസദ്യ, ശിവപ്രിയ, അർജുൻ എന്നിവർ നേതൃത്വം നൽകുന്ന സംഗീതമേള, സുരേഷ് പള്ളിപ്പാറയുടെ നാടൻ പാട്ട്, തെയ്യം എന്നിവയുണ്ടാകും. ഫോൺ: 9845751628, 9449538245.
SUMMARY: Kundalahalli Kerala Samajam Onam celebrations today.
