ബെംഗളൂരു: മംഗളൂരുവിൽ അനധികൃതമായി തങ്ങിയ രണ്ട് ബംഗ്ലാദേശ് പൗരന്മാർ അറസ്റ്റിൽ. ആഷികുൽ ഇസ്‌ലാം (33), എം.ഡി. അമീൻ (47) എന്നിവരാണ് അറസ്റ്റിലായത്. പനമ്പൂർ ബീച്ചിനടുത്ത ഹോട്ടലിൽ തൊഴിലാളികളായി ജോലിചെയ്തുവരികയായിരുന്നു ഇരുവരും
പനമ്പൂർ പൊലീസ് നടത്തിയ പരിശോധനയിലാണ് ഇവർ പിടിയിലായത്. ചോദ്യംചെയ്യലിൽ സാധുവായ ഔദ്യോഗിക രേഖകളൊന്നുമില്ലാതെ ഇവർ ഇന്ത്യയിൽ അനധികൃതമായി താമസിച്ചിരുന്നതായി കണ്ടെത്തി. തുടർ നിയമനടപടികളുടെ ഭാഗമായി ഇരുവരെയും അനധികൃത കുടിയേറ്റക്കാരുടെ തടങ്കൽ കേന്ദ്രത്തിൽ പാർപ്പിച്ചിരിക്കുകയാണ്. ഫോറിനേഴ്സ് റീജനൽ രജിസ്ട്രേഷൻ ഓഫിസിൽ ഹാജരാക്കാനും തുടർന്ന് ബംഗ്ലാദേശിലേക്ക് നാടുകടത്താനുമുള്ള നിയമനടപടികൾ ആരംഭിച്ചതായി പനമ്പൂർ പോലീസ് അറിയിച്ചു.
