ചെന്നൈ: തമിഴ്‌നാട്ടില്‍ വീണ്ടും ഏറ്റുമുട്ടല്‍ കൊല. ബി എസ് പി നേതാവ് ആംസ്‌ട്രോങിനെ കൊലപ്പെടുത്തിയ കേസിലെ പ്രതി ഗുണ്ടാ നേതാവ് തിരുവേങ്കടത്തെ പോലീസ് വെടിവച്ചു കൊന്നു.
ചെന്നൈ മാധവാരത്ത് തെളിവെടുപ്പിനായി എത്തിച്ചപ്പോഴാണ് വെടിവെപ്പുണ്ടായത്. പ്രതി രക്ഷപ്പെടാന്‍ ശ്രമിച്ചപ്പോഴാണ് വെടിയുതിര്‍ക്കേണ്ടി വന്നതെന്ന് പോലീസ് പറഞ്ഞു. ഒരാഴ്ചയ്ക്കിടെ തമിഴ്‌നാട്ടില്‍ നടക്കുന്ന രണ്ടാമത്തെ ഏറ്റുമുട്ടല്‍ കൊലയാണിത്.
തിരിച്ചിറപ്പളിയിലെ പുതുക്കോട്ടയിൽ
ഗുണ്ടാ നേതാവ് ദുരൈയാണ് ഇതിന് മുമ്പ്
ഏറ്റുമുട്ടലിൽ കൊല്ലപ്പെട്ടത്. ഇയാൾ
ഉൾപ്പെട്ട ഗുണ്ടാസംഘം വനപ്രദേശത്ത്
ഒളിഞ്ഞിരിപ്പുണ്ടെന്ന വിവരം ലഭിച്ച
പോലീസ് സ്ഥലത്തെത്തുകയായിരുന്നു.
തുടർന്നുണ്ടായ ഏറ്റുമുട്ടലിലാണ് ഇയാൾ
കൊല്ലപ്പെട്ടത്. ഇൻസ്പെക്ടറെ
വെടിവച്ചപ്പോൾ ജീവൻ രക്ഷിക്കാനായി
പോലീസ് തിരിച്ച് വെടിവയ്ക്കുകയായിരുന്നു
എന്നാണ് പോലീസ് പറയുന്നത്.
ദുരൈയുടെ ആക്രമണത്തിൽ പരരുക്കേറ്റ
ഉദ്യോഗസ്ഥന്റെ ചിത്രവും പോലീസ്
പുറത്തുവിട്ടിരുന്നു.
<BR>
TAGS : ENCOUNTER
SUMMARY :Another encounter killed in Tamil Nadu; The gang leader was shot dead by the police
