കലാവേദി ഓണാഘോഷം സംഘടിപ്പിച്ചു

ബെംഗളൂരു : ബെംഗളൂരു കലാവേദി ഓണാഘോഷം ‘ഓണോത്സവം 2024’ ഡോ. സി.ജി. കൃഷ്ണദാസ് നായർ ഉദ്ഘാടനംചെയ്തു. അംഗങ്ങളുടെ വിവിധ കലാപരിപാടികൾ, പ്രശസ്ത വയലിനിസ്റ്റ് ഫ്രാൻസിസ് സേവ്യറും സംഘവും അവതരിപ്പിച്ച ഫ്യൂഷൻ, ചെറുതാഴം ചന്ദ്രൻ, ഉദയൻ നമ്പൂതിരി എന്നിവരുടെ നേതൃത്വത്തിലുള്ള തായമ്പക എന്നിവ നടന്നു. പിന്നണിഗായകൻ ബിജു നാരായണന്റെ നേതൃത്വത്തിലുള്ള ഗാനമേളയും ഉണ്ടായിരുന്നു.

മികച്ച വിജയം നേടിയ വിദ്യാർഥികൾക്ക് സ്വർണമെഡലോടുകൂടിയ എക്സലൻസ് അവാർഡുകൾ ചടങ്ങില്‍ സമ്മാനിച്ചു. കലാവേദി പ്രസിഡന്റ് ആർ.കെ.എൻ. പിള്ള, രാധാകൃഷ്ണൻ ജെ. നായർ, അഡ്വ. സോണി സെബാസ്റ്റ്യൻ, എ. മധുസൂദനൻ, കെ.പി. പദ്മകുമാർ തുടങ്ങിയവർ സംസാരിച്ചു.
<br>
TAGS : ONAM-2024