തിരുവനന്തപുരം: എം ആർ അജിത് കുമാറിനെ പോലീസിന്റെ സെൻട്രല് സ്പോർട്സ് ഓഫീസർ ചുമതലയില് നിന്ന് മാറ്റി. പോലീസില് ബോഡി ബില്ഡിംഗ് താരങ്ങളുടെ പിൻവാതില് നിയമനം വിവാദമായ സാഹചര്യത്തില് തന്നെ മാറ്റാൻ അജിത് കുമാർ കത്ത് നല്കുകയായിരുന്നു. സെൻട്രല് സ്പോർട്സ് ഓഫീസറാണ് സ്പോർട്സ് ക്വാട്ടയിലെ നിയമനങ്ങളുടെ ഫയല് നീക്കം നടത്തേണ്ടത്.
നേരത്തെ രണ്ട് ബോഡി ബില്ഡർ താരങ്ങളെ പോലീസ് ഇൻസ്പെക്ടർ റാങ്കില് നിയമിക്കാൻ തീരുമാനമുണ്ടായിരുന്നു. ഇതില് ആഭ്യന്തര വകുപ്പ് ഡിജിപിക്ക് കത്ത് അയക്കുകയും ചെയ്തു. കത്തില് മാനദണ്ഡങ്ങളില് ഇളവു വരുത്തികൊണ്ട് നിയമനം നടത്തണമെന്ന നിർദേശം നല്കുകയും ചെയ്തിരുന്നു.
എന്നാല് സർക്കാർ തീരുമാനിച്ച പല കായിക താരങ്ങളെയും ഒഴിവാക്കികൊണ്ടാണ് ബോഡി ബില്ഡിങ് താരങ്ങളെ നിയമിക്കുന്നത് എന്ന രീതിയിലുളള വാർത്തകള് വന്നത് വലിയ വിവാദമായിരുന്നു. ഇതിന് പിന്നാലെയാണ് എം ആർ അജിത് കുമാറിനെ മാറ്റിയത്.
TAGS : ADGP M R AJITH KUMAR
SUMMARY : Ajith Kumar has been transferred from the sports charge of the police
