ന്യൂയോർക്ക്: അമേരിക്കൻ ഏജൻസിയായ സെക്യൂരിറ്റീസ് ആൻഡ് എക്സ്ചേഞ്ച് കമ്മീഷൻ (എസ്ഇസി) ഫയൽ ചെയ്ത സാമ്പത്തിക തട്ടിപ്പ് കേസിൽ നോട്ടീസ് സ്വീകരിക്കാൻ ഗൗതം അദാനി സമ്മതിച്ചു. ഇതോടെ കേസിൽ അദാനിക്കെതിരെയുള്ള നിയമനടപടികൾ വേഗത്തിലാകും.
സൗരോർജ്ജ പദ്ധതികൾക്കായി ഇന്ത്യൻ ഉദ്യോഗസ്ഥർക്ക് കൈക്കൂലി നൽകിയെന്നും, ഈ വിവരം മറച്ചുവെച്ച് അമേരിക്കൻ നിക്ഷേപകരിൽ നിന്ന് പണം സമാഹരിച്ചു എന്നുമാണ് കേസ്. സെക്യൂരിറ്റീസ് നിയമങ്ങൾ ലംഘിച്ചതിനാണ് എസ്ഇസി സാമ്പത്തിക തട്ടിപ്പ് കേസ് ഫയൽ ചെയ്തിരിക്കുന്നത്.
നോട്ടീസ് കൈപ്പറ്റിയ ശേഷം ആരോപണങ്ങൾക്ക് മറുപടി നൽകാൻ അദാനിക്ക് 90 ദിവസത്തെ സമയമുണ്ടാകും. തനിക്കെതിരെയുള്ള ആരോപണങ്ങൾ അടിസ്ഥാനരഹിതമാണെന്ന് ഗൗതം അദാനി നേരത്തെ തന്നെ പ്രതികരിച്ചിരുന്നു.
SUMMARY: Gautam Adani has agreed to receive the legal notice in the US SEC’s civil fraud case and is set to respond to the allegations within 90 days.
