ബെംഗളൂരു: ഇൻസ്റ്റഗ്രാം പ്രണയത്തെ തുടർന്ന് യുവതി ജീവനൊടുക്കിയ സംഭവത്തിൽ സുഹൃത്ത് അറസ്റ്റിൽ. ദാവൻഗെരെ സ്വദേശിനി ശ്വേത (23) ആണ് മരിച്ചത്. ഇവരുടെ ഇൻസ്റ്റഗ്രാം സുഹൃത്ത് ദാവൻഗെരെ ശിവള്ളി ഗ്രാമത്തിൽ നിന്നുള്ള വിജയ് നായ്കർ പോലീസ് പിടിയിലായി. വിജയുമായുള്ള പ്രണയത്തെ തുടർന്ന് ശ്വേത ഭർത്താവിൽ നിന്നും വിവാഹമോചനം തേടിയിരുന്നു.
കഴിഞ്ഞ കുറച്ച് നാളുകളായി ഭർത്താവിനെ ഉപേക്ഷിച്ച് ശ്രീനഗറിലെ വാടകവീട്ടിലായിരുന്നു ശ്വേതയുടെ താമസം. കഴിഞ്ഞ ദിവസമാണ് ശ്വേതയെ കിടപ്പുമുറിയിൽ തൂങ്ങിമരിച്ച നിലയിൽ കണ്ടത്. മുറിയിൽ നിന്നും ആത്മഹത്യ കുറിപ്പ് പോലീസ് കണ്ടെടുത്തിരുന്നു. വിവാഹ വാഗ്ദാനം നൽകി വിജയ് തന്നെ വഞ്ചിച്ചതാണ് ജീവനൊടുക്കാൻ കാരണമെന്ന് കുറിപ്പിലുണ്ടായിരുന്നതായി പോലീസ് പറഞ്ഞു. തുടർന്ന് ശ്വേതയുടെ കുടുംബം നൽകിയ പരാതിയിൽ പോലീസ് വിജയ് നായ്കറെ അറസ്റ്റ് ചെയ്യുകയായിരുന്നു.
TAGS: BENGALURU | ARREST
SUMMARY: Man arrested after housewife commits suicide over Instagram affair
